قۇرمەتتٸ پرەزيدەنت مىرزا!
ارداقتى نۇرسۇلتان ەبٸشۇلى!
سٸزگە وسى حاتتى جازۋىمنىڭ مەنٸسٸن تٷسٸنٸپ وتىرعان بولارسىز, مازاڭىزدى السام - عافۋ ەتەرسٸز... ٶزٸڭٸز حاباردار شىعارسىز, ٶتە بٸر ىڭعايسىز جاعدايعا تاپ بولىپ وتىرمىن. مەن پروديۋسەرلٸك ەتەتٸن "فەنيكس" فيلمٸن تٷسٸرۋگە دايىندىقتار كەزٸندە, ونى ۇيىمداستىرۋشىلار تاراپىنان بٶلٸنگەن قارجىنىڭ ىسىراپ بولىپ جاتقانى جايلى تەرگەۋ ٸسٸ جٷرٸپ جاتىر. "نەگٸزسٸز جۇمسالدى" دەگەن قارجىعا مەنٸڭ قاتىسىم بولماسا دا, ٸستٸ ۋشىقتىرمايىن دەپ, تۋىستارىم مەن شەكٸرتتەرٸم اقشا جيناپ, كٶرسەتٸلگەن 5 ملن. اقشانى قايتاردىق. وسى ۋاقيعادان كەيٸن, سارىۋايىمعا سالىنىپ, شۇعىل ەمحاناعا تٷستٸم. سودان بەرٸ سىرقاتىم ٷدەپ بارادى.
بٸلەسٸز, مەن قارجىگەر ەمەسپٸن, بٶلٸنگەن قارجىنى ورنىمەن جۇمساۋعا تيٸستٸ ادامدار, وعان تٸكەلەي جاۋاپ بەرەتٸن ورىنداۋشى پروديۋسسەر بار. مەنٸكٸ جالپى باسشىلىق, اقشا جاعىنا ارالاسقان ەمەسپٸن, ونداي بٸردە-بٸر قۇجاتتاردا, جاسالعان كەلٸسٸم-شارتتاردا مەنٸڭ قولىم جوق. باستى ارمانىم - ەلٸمٸزدٸڭ يميدجٸن ودان ارى كٶتەرەتٸن فەنتەزي جانرىنداعى كٶركەم فيلم جاساۋعا قاتىسىپ, باستى رولٸنٸڭ بٸرٸن ورىنداۋ عانا ەدٸ...
ەندٸ, مەنٸڭ سول "سەنگەن" ادامدارىم بەرٸن ماعان جاۋىپ, ٶزدەرٸن اقتاپ الماقشى بوپ جاتىر. مەنٸڭ ول اقشانىڭ رەتسٸز جۇمسالۋىنا ەشقانداي قاتىسىم بولماسا دا, ٸستٸ تەرگەۋشٸلەردٸڭ تەگەۋرٸنٸنە تٷسكەن قارجىعا جاۋاپتى ەيەل ادامداردى اياپ, بٸر جاعى قۇرىلتايشىسى ٶزٸم كومپانييانىڭ ابىرويىن جابۋ ٷشٸن جاساعان ادال ەرەكەتٸمە قارايتىن تٷرلەرٸ جوق. مەنٸڭ كٸنەم - تٶڭٸرەگٸمدەگٸ ادامدارعا قۇلاي سەنٸپ, سالاقتىق جاساپ, جيٸ تەكسەرٸس جاساماعانىم بولىپ وتىر. دەگەنمەن, قانشا تەكسەرسەم دە, مەن كينو تٷسٸرۋدٸڭ قارجىلىق قۇپييالارىن تٷسٸنبەيتٸن دە ەدٸم. الدىندا بولعان بٸردٸ-ەكٸلٸ اۋديت, ت.ب. تەكسەرۋلەردەن تازا شىققانداي ەدٸ...
قىمباتتى نۇرسۇلتان ەبٸشۇلى!
ەۋەلٸ, عاسىرلار بويى اتا-بابالارىمىزدىڭ ارمان ەتكەن تەۋەلسٸزدٸكتٸڭ تۋىن تٸگٸپ, ٸرگەسٸن قالاپ, ۇلى دالانى ىمىرامەن مەڭگٸلٸك ەلگە باستاعان ٶزٸڭٸزدەن, وسى كەلەڭسٸز جاعدايعا دۋشار بولعانىم ٷشٸن, مەنٸ سىيلاپ قادٸرلەيتٸن, بٷگٸنگٸ جاعدايىما كٷيزەلٸپ جٷرگەن بٷكٸل كٶرەرمەن حالقىم مەن ەرٸپتەستەرٸمنەن كەشٸرٸم سۇرايمىن. مەنٸڭ سٸزدەن باسقا سەنەرٸم دە, سٷيەنەرٸم دە جوق. اڭعالدىقپەن ۇياتتى بولعان بٸر ٸنٸڭٸزگە شاپاعاتىڭىزدى تيگٸزەر مە ەكەنسٸز... جەتپٸسكە تايانعان جاسىمدا تاعدىردىڭ مۇنداي تاۋقىمەتٸنە تاپ بولعانىما قاتتى كٷيٸنۋدەمٸن...
ٶزٸڭٸزگە دەگەن قۇرمەتٸ شەكسٸز باۋىرىڭىز -
تۇڭعىشباي جامانقۇلوۆ
