كەشە عانا قازاقستان قۇراماسىنىڭ ريو وليمپياداسىنىڭ العاشقى مەدالٸن پالۋان قىز وتگونتسەتسەگ گالبادراح يەلەنگەن بولاتىن. دزيۋدوشى قىزىمىزدىڭ جەڭٸسٸنەن شابىت العان قالامگەرلەر قاۋىمى ٶلەڭ ارناپ جاتىر.
نازارلارىڭىزعا ەربولات باياتۇلى مەن باقىتبەك بەمٸشۇلى جىر شاشۋىن ۇسىنامىز.
وتگونتسەتسەگ!
كٷش ەمەس قارا دٷرسٸن جانىڭدى جەر...
ساف اقىل!
سال ۇراندى,
جانىپ جٸبەر!
اتويلاپ,
ارىنداتقان
جاس قايراتتى,
جانار – وت,
نامىستى ار,
جالىن – جٸگەر!
ول بٸلەم,
اتاق ەمەس,
اردى ويلاپ,
تٶرٸندە ريونىڭ سالدى ويناق!
ادالدىق:
انتقا,
سەرتكە,
امەريكا
كٶگٸندە جەلبٸرەتتٸ جاندى بايراق!
باقىتبەك بەمٸشۇلى
وتگونتسەتسەگ- كەنجەگٷلگە!
(ەكسپرومت)
ريو!
وليمپيادا -
ايقاستار الاڭ.
بۇزىلماس,
جىعىلماس
نامىستىڭ
قامالى.
تٷبٸ بٸر
تٷركٸنٸڭ
مەڭگٸەلدٸڭ
قىزى- بۇل,
جاسىنداي
جارق ەتتٸ
جاستىقتىڭ,
جٸگەردٸڭ
جانارى!
نەسٸنە
تەگٸنەن
بٸلمەستەر
ٷركەدٸ.
التاي مەن
قانعايدا
ٶسكەن بۇل
جۇرت ەدٸ.
اساۋدى
ٷيرەتٸپ,
ارعىماق
باپتاعان,
ال دٸنٸ-
بٶلەكتەۋ
تٷبٸ بٸر
تٷركٸ ەدٸ!
ۇمايدان
ۇل بولىپ,
قىز بولىپ
جارالدىڭ.
التايدان
ات مٸنٸپ
عالامعا
تارالدىڭ.
بويىندا
كٶك بٶرٸ
نامىس بار,
قانى بار-
مەڭگٸەلدٸڭ
تۇتقاسى-
تەمٸرشىڭ
قاعاننىڭ!
تٷبٸم بٸر-
كٶك تەڭٸر
ٶزٸڭسٸڭ
ايبارىم.
سويقاندى
سالعان بۇل
سويلارىم.
كٶشپەلٸ
مۇڭعۇلدىڭ
قارشاداي
بٸر قىزى,
كٶتەرتسە
نەسٸ ايىپ
قازاقتىڭ
بايراعىن!
07.08.16
ەربولات باياتۇلى
ۇلت پورتالى
