الماتى قالاسىندا بٸر تەۋلٸكتە 3197 ادام كوروناۆيرۋسقا قارسى ۆاكتسينا سالدىردى, دەپ حابارلايدى "ۇلت اقپارات".
باسقارما تاراتقان مەلٸمەتكە سەيكەس, 18 مامىر كٷنٸ 3197 الماتىلىق ۆاكتسينا سالدىردى. بيىلعى جىلدىڭ 1 اقپانى مەن 18 مامىر ارالىعىندا قالادا بارلىعى 277 144 ادامعا ەكپە سالىندى. ۆاكتسيناتسييانىڭ جالپى سانىنان 60 جاستان اسقان قارت كٸسٸلەر سانى - 30 518.
«بٷگٸنگٸ كٷنگە دەيٸن قازاقستاندىق QazVac ۆاكتسيناسىن 3000 ادام الدى. 3 مامىر كٷنٸ قىتايدىڭ Sinopharm ۆاكتسيناسى 15 000 دوزاسى جەتكٸزٸلدٸ, ونىڭ بٸرٸنشٸ كومپونەنتٸ بويىنشا 4790 ادامعا ۆاكتسينا ەگٸلدٸ» - دەپ اتاپ ٶتتٸ باسقارمادان.
بٷگٸنگٸ كٷنٸ قالادا 214 پۋنكت جۇمىس ٸستەپ تۇر. 1 282 ادامنان تۇراتىن 315 ەگۋ بريگاداسى بار. سونىمەن قاتار, 40 كٶشپەلٸ موبيلدٸ بريگادا ۇيىمداستىرىلدى.
«قازٸرگٸ مەديتسينالىق ۇيىمداردا, مەكتەپتەردە, مەدەنيەت, سپورت وبەكتٸلەرٸندە, بازارلار مەن قالانىڭ سوسو-دا ۆاكتسيناتسييا پۋنكتٸ جۇمىس ٸستەيدٸ» - دەپ ناقتىلادى قوعامدىق دەنساۋلىق ساقتاۋ باسقارماسى.
