مەملەكەت باسشىسى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جەر قاتىناستارى مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسىنىڭ زاڭىنا قول قويدى, دەپ حابارلايدى قازاقپارات اقوردانىڭ باسپاسٶز قىزمەتٸنە سٸلتەمە جاساپ.
2016 جىلعى 6 مامىردا قر پرەزيدەنتٸنٸڭ جارلىعىمەن اۋىل شارۋاشىلىعى جەرلەرٸن شەتەلدٸكتەرگە, ازاماتتىعى جوق ادامدارعا, شەتەلدٸك كومپانييالارعا, سونداي-اق شەتەلدٸك ٷلەسٸ بار قازاقستاندىق كومپانييالارعا جالعا بەرۋگە, سونداي-اق قازاقستان رەسپۋبليكاسىنىڭ ازاماتتارى مەن زاڭدى تۇلعالارىنا جەكە مەنشٸككە بەرۋگە موراتوريي ەنگٸزٸلدٸ.
موراتوريي مەرزٸمٸ 2021 جىلدىڭ 31 جەلتوقسانىندا اياقتالاتىنىن ەسكەرە وتىرىپ, قازاقستان رەسپۋبليكاسىنىڭ پرەزيدەنتٸ قاسىم-جومارت كەمەلۇلى توقاەۆ 25 اقپاندا ۇلتتىق قوعامدىق سەنٸم كەڭەسٸنٸڭ بەسٸنشٸ وتىرىسىندا شەتەلدٸكتەرگە جەنە شەتەلدٸك زاڭدى تۇلعالارعا اۋىل شارۋاشىلىعى جەرلەرٸن ساتۋعا, جالعا بەرۋگە زاڭناما جٷزٸندە بٸرجولا تىيىم سالۋدى تاپسىردى. پرەزيدەنت 12 ناۋرىزدا وسىنداي زاڭ جوباسىن پارلامەنتكە جٸبەرگەنٸن مەلٸمدەدٸ.
7 سەۋٸردە مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جەر قاتىناستارى مەسەلەلەرٸ بويىنشا ٶزگەرٸستەر مەن تولىقتىرۋ ەنگٸزۋ تۋرالى» زاڭ جوباسى ماقۇلداندى.
14 سەۋٸردە جەردٸ شەتەلدٸكتەرگە بەرۋگە بٸرجولا تىيىم سالۋدى كٶزدەيتٸن زاڭ جوباسىن مەجٸلٸس سەناتقا جولدادى.
29 سەۋٸر كٷنٸ سەنات «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە جەر قاتىناستارى مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن مەجٸلٸسكە قايتارعان ەدٸ.
مەجٸلٸس جەردٸ شەتەلدٸكتەرگە ساتپاۋ تۋرالى قۇجاتقا سەنات ەنگٸزگەن ٶزگەرٸستەرمەن كەلٸستٸ.
اتالعان زاڭ بويىنشا اۋىل شارۋاشىلىعى جەرلەرٸن شەتەلدٸكتەرگە, ازاماتتىعى جوق ادامدارعا, شەتەلدٸك زاڭدى تۇلعالارعا, شەتەلدٸك قاتىسۋى بار قازاقستان رەسپۋبليكاسىنىڭ زاڭدى تۇلعالارىنا, حالىقارالىق ۇيىمدارعا, حالىقارالىق قاتىسۋى بار عىلىمي ورتالىقتارعا, سونداي-اق, قانداستارعا جەكە مەنشٸككە جەنە جالعا بەرۋگە تىيىم سالىنادى.
وسىلايشا اۋىل شارۋاشىلىعى جەرلەرٸن پايدالانۋ قۇقىعى تەك قانا قازاقستان ازاماتتارىنا جەنە شەتەلدٸك قاتىسۋى جوق زاڭدى تۇلعالارعا بەرٸلەدٸ.
