جاعداي كٷردەلەنٸپ كەتپەسە تٶتەنشە جاعداي رەجيمٸ ون بٸرٸنشٸ مامىردا اياقتالادى. بۇل تۋرالى قر پرەزيدەنتٸ قاسىم-جومارت توقاەۆ پارلامەنت سەناتىنىڭ وتىرىسىندا سٶيلەگەن سٶزٸندە ايتتى, دەپ حابارلايدى "ۇلت اقپارات".
«بٸز دەر كەزٸندە قولعا الىنعان شارالاردىڭ ارقاسىندا كوروناۆيرۋس ٸندەتٸنٸڭ جاپپاي تارالۋىنا توسقاۋىل قويدىق. مۇنى دٷنيەجٷزٸلٸك دەنساۋلىق ساقتاۋ ۇيىمى, حالىقارالىق ساراپشىلار جوعارى باعالادى. پاندەمييا ەل ەكونوميكاسىنا كەرٸ ەسەرٸن تيگٸزٸپ وتىر. وسىعان قاراي, ٷكٸمەت ازاماتتارعا, شاعىن جەنە ورتا بيزنەس ٶكٸلدەرٸنە قولداۋ كٶرسەتۋدە. بيۋدجەتتەن قوماقتى قاراجات بٶلٸندٸ. تابىسىنان ايىرىلعان ادامدار قارجىلاي كٶمەك الىپ جاتىر. مۇنىڭ بەرٸ حالىقتىڭ تۇرمىس جاعدايىن تٶمەندەتپەۋ ٷشٸن جاسالۋدا. قابىلدانعان شارالار ٶز نەتيجەسٸن بەرە باستاعانىن كٶرٸپ وتىرمىز. جاعداي كٷردەلەنٸپ كەتپەسە, تٶتەنشە جاعداي رەجيمٸ ون بٸرٸنشٸ مامىردا اياقتالادى. بٸراق كارانتين رەجيمٸنە بايلانىستى ٸس-شارالار جالعاسا بەرەدٸ. بۇل ەل تۇرعىندارىنىڭ قاۋٸپسٸزدٸگٸ ٷشٸن اسا قاجەت», - دەدٸ مەملەكەت باسشىسى.
