پرەزيدەنت ابۋ دابي ەمٸرلٸگٸن بيلەۋشٸ ەۋلەتٸنٸڭ ٶكٸلٸ, بٸرٸككەن اراب ەمٸرلٸكتەرٸندەگٸ ٸرٸ بيزنەس ٶكٸلٸ, «Etihad Towers» كٶپفۋنكتسيونالدى كەشەنٸنٸڭ يەسٸ, «First Abu Dhabi Bank» اكتسيونەرٸ شەيح سۋرۋر بەن مۇحاممەد ەل ناحايانمەن كەزدەستٸ, – دەپ حابارلايدى اقوردانىڭ باسپاسٶز قىزمەتٸ.
كەزدەسۋدە مەملەكەت باسشىسى بٸرٸككەن اراب ەمٸرلٸكتەرٸ قازاقستاننىڭ تاياۋ شىعىستاعى سەنٸمدٸ سەرٸكتەستەرٸنٸڭ بٸرٸ ەكەنٸن, ساپار بارىسىندا ابۋ دابيدٸڭ تاق مۇراگەرٸ, شەيح مۇحاممەد بەن زايد ەل ناحايانمەن ەكٸجاقتى ىنتىماقتاستىقتى ودان ەرٸ دامىتۋعا ۋاعدالاسقاندارىن اتاپ ٶتتٸ.
شەيح سۋرۋر بەن مۇحاممەد ەل ناحايان قازاقستان پرەزيدەنتٸنە ٶزٸنٸڭ «West Hydrocarbons Commercial Investment LLC» كومپانيياسىنىڭ باتىس قازاقستان وبلىسىندا مۇناي ٶڭدەۋ زاۋىتىن سالىپ جاتقانىن ايتتى.
الداعى ۋاقىتتا دا قازاقستانمەن بٸرلەسٸپ جۇمىس ٸستەۋگە, جاڭا جوبالارعا ينۆەستيتسييا سالۋعا نيەت بٸلدٸردٸ.
