فوتو: Akorda.kz
مەملەكەت باسشىسى Draper Fisher Jurvetson كومپانيياسىنىڭ تەڭ قۇرىلتايشىسى جەنە درەيپەر ۋنيۆەرسيتەتٸنٸڭ نەگٸزٸن قالاۋشى تيم درەيپەرمەن كەزدەستٸ, - دەپ حابارلايدى "ۇلت اقپارات" اقورداعا سٸلتەمە جاساپ.
پرەزيدەنت Digital Bridge حالىقارالىق فورۋمىنا بەلسەندٸ قاتىسقانى جەنە مازمۇندى بايانداما جاساعانى ٷشٸن تيم درەيپەرگە العىس ايتتى. مەملەكەت باسشىسى تانىمال Meet the Drapers رەاليتي-شوۋىنىڭ بٸر ەپيزودىن قازاقستاندا تٷسٸرۋ تۋرالى باستامانى قۇپتادى.
كەزدەسۋ بارىسىندا ۆەنچۋرلىق كاپيتال مەن ستارتاپتار يندۋستريياسىن دامىتۋ مەسەلەلەرٸ, سونداي-اق الداعى جوسپارلار مەن ىنتىماقتاستىقتىڭ پەرسپەكتيۆتٸ باعىتتارى تالقىلاندى.
تيم درەيپەر ٶز كومپانيياسىنىڭ ۆەنچۋرلىق كاپيتالدى دامىتۋدا باي تەجٸريبەسٸ بار ەكەنٸن اتاپ ٶتتٸ. سونداي-اق Draper Fisher Jurvetson كومپانيياسى ورتالىق ازييا ٶڭٸرٸنە, اتاپ ايتقاندا, قازاقستان نارىعىنا زور قىزىعۋشىلىق تانىتىپ وتىرعانىن جەتكٸزدٸ.
قاسىم-جومارت توقاەۆ ۆەنچۋرلىق كاپيتال نارىعىن قۇرۋ ٷشٸن قازاقستاندا بەرٸك ينستيتۋتسيونالدىق, قۇقىقتىق جەنە قارجىلىق نەگٸز قالانىپ جاتقانىنا نازار اۋداردى. ەلٸمٸز Draper Fisher Jurvetson سەكٸلدٸ حالىقارالىق ۆەنچۋرلىق قورلاردىڭ قازاقستان نارىعىنا كەلۋٸنە كەڭ جول اشادى.
