مەملەكەت باسشىسى قاسىم-جومارت توقاەۆ وتانداستارىمىزدى حالقىمىزدىڭ باسىنا تٷسكەن سىناق الدىندا قايسارلىققا, سابىر مەن جاۋاپكەرشٸلٸككە شاقىردى, دەپ حابارلايدى "ۇلت اقپارات".
«بٸز كوروناۆيرۋسقا قارسى كٷرەستٸ جالعاستىرامىز. جەڭٸس بٸزدە بولاتىنىنا ەش كٷمەن جوق. كٷيزەلٸسكە, نەمقۇرايلىققا بوي الدىرماۋىمىز كەرەك. بٷگٸن بٸز بٸرلٸگٸمٸزدٸ ەردايىم كٶرسەتۋٸمٸز كەرەك. بٸز ەشكٸمدٸ قيىنشىلىققا قالدىرمايمىز جەنە ەر قازاقستاندىقتىڭ ٶمٸرٸ مەن دەنساۋلىعى ٷشٸن كٷرەسەمٸز. بٸز – تالاي زوبالاڭ مەن سىناقتى باستان ٶتكەرگەن, تاريحتىڭ تالاي داۋىلىنا بوي بەرمەگەن حالىقپىز. باتىر بابالاردىڭ جولىن جالعاعان بٷگٸنگٸ ۇرپاق تا قازٸرگٸ قيىندىققا تٶتەپ بەرەدٸ دەپ سەنەمٸن. بەلكٸم, بۇل بٸزدٸڭ بٸرلٸگٸمٸزدٸ بايقاۋ ٷشٸن بەرٸلگەن سىناق شىعار. بٸر جەڭنەن قول, بٸر جاعادان باس شىعارىپ, ۇيىمداسا بٸلسەك, بۇل سىننان دا ٶتەرمٸز. «دەنساۋلىق – زور بايلىق» دەگەن حالقىمىزدىڭ دانا سٶزٸنٸڭ قادٸرٸن بٸلەيٸك», - دەدٸ قاسىم-جومارت توقاەۆ ەلٸمٸزدە قالىپتاسقان احۋالعا بايلانىستى تەلەٷندەۋٸندە.
قاسىم-جومارت توقاەۆ ەر ازاماتتىڭ اماندىعى ٷشٸن كٷرەسۋگە شاقىردى.
«بارشاڭىزعا مىقتى دەنساۋلىق, مىزعىماس بەرەكە-بٸرلٸك تٸلەيمٸن!» - دەپ تٷيدٸ سٶزٸن پرەزيدەنت.
