فوتو: اقوردا
اقوردادا قاسىم-جومارت توقاەۆ تٶراعالىعىمەن Digital Qazaqstan جوباسىنىڭ جٷزەگە اسىرىلۋ بارىسىنا ارنالعان جۇمىس كەڭەسٸ ٶتتٸ, دەپ حابارلايدى Ult.kz.
مەملەكەت باسشىسى قاسىم-جومارت توقاەۆتىڭ تٶراعالىعىمەن ٶتكەن Digital Qazaqstan جوباسى بويىنشا كەڭەس مەملەكەتتٸك باسقارۋ جٷيەسٸن تسيفرلىق رەلسكە قويۋدىڭ جاڭا كەزەڭٸن ايقىنداپ بەردٸ.
نەگٸزگٸ باسىمدىقتار مەن تاپسىرمالار:
بيۋروكراتيياعا توسقاۋىل: پرەزيدەنت تسيفرلاندىرۋ مەن بيۋروكراتييانى «وت پەن سۋ» سيياقتى بٸر-بٸرٸنە كەرەعار ۇعىمدار دەپ اتادى. مەملەكەتتٸك ورگاندارعا قاعازباستىلىقتان ارىلىپ, ٸشكٸ پروتسەستەردٸ جي (جاساندى ينتەللەكت) نەگٸزٸندە قايتا قۇرۋ مٸندەتتەلدٸ.
بانكارالىق QR-تٶلەمدەر: ۇلتتىق بانك جاساعان تسيفرلىق ينفراقۇرىلىمعا ٸرٸ بانكتەردٸڭ قوسىلۋدى كەشٸكتٸرٸپ وتىرعانى سىنعا الىندى. بۇل جٷيە دەلدالداردى ازايتىپ, اۋدارىمدار شىعىنىن قىسقارتۋعا تيٸس.
IT-ەكسپورت جەنە Astana Hub: وتاندىق IT ٶنٸمدەردٸڭ ەكسپورتى 1 ميلليارد دوللارعا جۋىقتادى. ەندٸ مەملەكەت زيياتكەرلٸك ٶنٸمدٸ شەتەلگە ساتاتىن جوبالارعا قولداۋدى كٷشەيتەدٸ.
ەكٸ سۋپەركومپيۋتەر: ەلٸمٸزدە تەحنولوگييالىق دەربەستٸكتٸ قامتاماسىز ەتەتٸن ستراتەگييالىق ماڭىزى بار ەكٸ سۋپەركومپيۋتەر ٸسكە قوسىلماق.
دەربەس دەرەكتەردٸ قورعاۋ: جەكە مەلٸمەتتەردٸڭ تاراپ كەتۋٸنە جول بەرمەۋ — كونستيتۋتسييالىق مٸندەت. جاڭا اتا زاڭ جوباسىندا بۇل نورما ناقتى بەكٸتٸلمەك.
«Digital Qazaqstan» – حالىق مٷددەسٸ ٷشٸن
پرەزيدەنت «تسيفرلىق مەملەكەت» ۇعىمى ەر ازاماتقا تٷسٸنٸكتٸ بولۋى كەرەكتٸگٸن قاداپ ايتتى. ادامداردى مەكەمەلەر اراسىندا جٷگٸرتپەي, دەرەكتەردٸ ونلاين قولجەتٸمدٸ ەتۋ — باستى تالاپ.
«تەحنولوگييانىڭ قارقىندى دامىپ كەلە جاتقانى سونشالىق, قازاقستاننىڭ تسيفرلىق كەلەشەگٸنە الاڭداي باستايسىڭ. مەنٸڭشە, پروتسەسس ٶتە باياۋ جٷرٸپ جاتىر», — دەدٸ قاسىم-جومارت توقاەۆ.
الداعى ٶزگەرٸستەر:
1. مامىر ايىندا كريپتويندۋسترييانى رەتتەيتٸن زاڭنامالىق ٶزگەرٸستەر كٷشٸنە ەنەدٸ.
2. جىل سوڭىنا دەيٸن جاساندى ينتەللەكت جەنە تسيفرلىق دامۋ مينيسترلٸگٸ جۇمىس فورماتىن تولىق جاڭارتىپ, ٶزگەلەرگە ٷلگٸ بولۋى تيٸس.
3. AI-Sana باعدارلاماسى بويىنشا ناقتى نەتيجەلەر كٷتٸلۋدە.
