مەملەكەت باسشىسى قاسىم-جومارت توقاەۆ AMANAT پارتيياسىنان شىعىپ, تٶراعالىعىن توقتاتتى, - دەپ حابارلايدى "ۇلت اقپارات".
"مەن بۇعان دەيٸن پارتييا تٶراعاسى لاۋازىمىنان بوساپ, ۇيىم قاتارىنان شىعاتىنىمدى ايتتىم. وسى ۇيعارىمدى جٷزەگە اسىراتىن كەز كەلدٸ. بٷگٸننەن باستاپ «Amanat» پارتيياسىنىڭ تٶراعاسى رەتٸندە ٶكٸلەتتٸگٸمدٸ توقتاتىپ, پارتييادان شىعۋ تۋرالى شەشٸم قابىلدادىم. بۇل قادامنىڭ سيمۆولدىق مەنٸ بار. وسى ورايدا, پرەزيدەنت سايلاۋىندا ماعان سەنٸم ارتىپ, قولداعاندارىڭىز ٷشٸن بارشاڭىزعا العىسىمدى ايتامىن. سونداي-اق, جاۋاپتى سەتتە پارتييا تٸزگٸنٸن سەنٸپ تاپسىرعاندارىڭىز ٷشٸن ريزاشىلىعىمدى بٸلدٸرەمٸن. بٸز بٸرلەسٸپ, كٶپ جۇمىس اتقاردىق. دەگەنمەن, ۋاقىت بٸر ورىندا تۇرمايدى. قازٸر تالاي نەرسە ٶزگەرۋدە. الدىمىزدا اۋقىمدى مٸندەتتەر بار. بٷگٸندە ەلٸمٸزدەگٸ بارلىق سالانى تٷبەگەيلٸ مونوپولييادان ارىلتۋ اسا ماڭىزدى. وسى ٷدەرٸستەن ساياسي جٷيە دە سىرت قالماۋى كەرەك. مەملەكەت باسشىسى ەشبٸر پارتيياعا باسىمدىق بەرمەگەنٸ جٶن, ياعني ساياسي تۇرعىدان بەيتاراپ بولۋى قاجەت. بۇل – مەنٸڭ ايقىن ۇستانىمىم", - دەدٸ پرەزيدەنت پارتييانىڭ كەزەكتەن تىس سەزٸندە.
