«بارىس ارەنا» ستاديونىندا ەلەم تەننيسٸنٸڭ جۇلدىزدارى رافاەل نادال مەن نوۆاك دجوكوۆيچ ٶزارا شەبەرلٸك بايقاستى, دەپ حابارلايدى "ۇلت اقپارات".
قازٸرگٸ تاڭدا سەربييالىق ن.دجوكوۆيچ كٶش باسىندا تۇرعانىمەن, جۋىردا جاڭارتىلاتىن رەيتينگتە يسپانييالىق ر.نادال بٸرٸنشٸ راكەتكا اتانادى.
بۇل ەكەۋٸنٸڭ دە اتاق-داڭقى جەر جارادى دەسەك, ارتىق ايتقاندىق ەمەس. ر.نادال «ٷلكەن دۋلىعا» تۋرنيرلەرٸندە 19 مەرتە چەمپيون اتانسا, ن.دجوكوۆيچ 16 رەت توپ جارعان ەدٸ. وسىعان دەيٸن قارسىلاستاردىڭ 54 مەرتە جولدارى توقايلاسسا, سونىڭ 28-ٸندە سەربييالىق سپورتشى باسىم تٷسكەن-دٸ. ونىڭ ٷستٸنە ن.دجوكوۆيچ حارد تٶسەنٸشٸندە جاقسى وينايدى. ەلورداداعى بەسەكە دە حارد تٶسەنٸشٸندە ٶتتٸ. دەگەنمەن بۇل بەسەكە قايىرىمدىلىق ەرٸ تەننيس سٷيەر جۇرتشىلىق كٶڭٸلٸن كٶتەرۋ ماقساتىندا ۇيىمداستىرىلعاندىقتان, رەيتينگكە ەشقانداي ەسەر ەتپەيدٸ.
بٸرٸنشٸ پارتييادا نادال برەيكپەن العا شىقتى – 3:1. ول وسى قارقىنىنان ايىرىلعان جوق – 6:3.
ەكٸنشٸ سەتتە كەرٸسٸنشە دجوكوۆيچ قارقىندى وينادى – 6:3.
ەسەپ 1:1 بولىپ تەڭەسكەننەن كەيٸن ماتچ تاعدىرى ٷلكەن تاي-برەيكتە شەشٸلدٸ. وندا نادال جەڭٸسكە جەتتٸ – 11:9.
ەسكە سالا كەتەيٸك, بۇدان بۇرىن ەلوردادا نادال مەن دجوكوۆيچتٸڭ كەزدەسۋٸ باستالعانىن جازعان بولاتىنبىز.
