تەننيس: الەكساندر بۋبليك سينگاپۋر تۋرنيرٸنٸڭ جارتىلاي فينالىنا شىقتى

قازاقستاننىڭ بٸرٸنشٸ, ەلەمنٸڭ 46-راكەتكاسى الەكساندر بۋبليك سينگاپۋر ATP تۋرنيرٸنٸڭ جارتىلاي فينالىنا شىقتى, دەپ حابارلايدى "ۇلت اقپارات".

قازاقستاندىق تەننيسشٸ شيرەك فينالدا ەلەمنٸڭ 61-راكەتكاسى, جاپونييالىق ەسيحوتو نيسيوكامەن كٷش سىناستى. 

بٸرٸنشٸ پارتييادا ەسەپ 4:3 بولعان مەزەتتە ا.بۋبليك برەيك جاساپ, سوسىن ٶز گەيمٸن دە الدى - 6:3.

ەكٸنشٸ سەتتە ەسەپ 1:1 بولعاندا, بۋبليك تاعى دا برەيككە قول جەتكٸزٸپ, ٶز گەيمٸن جٸبەرگەن جوق - 3:1. تاعى بٸر برەيك 5:2. اقىرى ول جەڭٸس نٷكتەسٸن قويدى - 6:2.

بەسەكە 1 ساعات 13 مينۋتقا سوزىلدى.

ا.بۋبليك فينالعا شىعۋ ٷشٸن ەلەمنٸڭ 76-راكەتكاسى, مولدوۆالىق رادۋ البوتپەن تالاسادى. ول شيرەك فينالدا ەلەمنٸڭ 35-ٸنشٸ, وسى دودانىڭ 1-راكەتكاسى, فرانتسييالىق ادريان ماننارينونى 6:3, 6:4 ەسەبٸمەن تٸزە بٷكتٸردٸ.