قازاقستاننىڭ بٸرٸنشٸ, ەلەمنٸڭ 38-راكەتكاسى الەكساندر بۋبليك نيتستسا قالاسىندا مۋراتوگلۋ اكادەميياسىندا 24-26 مامىردا ٶتەتٸن UTS4 تۋرنيرٸندە ٶنەر كٶرسەتەدٸ, دەپ حابارلايدى "ۇلت اقپارات".
قازاقستان تەننيس فەدەراتسيياسىنان مەلٸم ەتكەنٸندەي, بۇل ەرەكشە جارىس رولان گارروس تۋرنيرٸنەن بٸر اپتا بۇرىن بولادى.
قازاقستاندىق تەننيسشٸ ا توبىندا ديەگو شۆارتسمان, گريگور ديميتروۆ, كريستيان گاريندەرمەن بٸرگە باق سىنايدى.
ۆ توبىندا دانييل مەدۆەدەۆ, فابيو فونيني, كورەنتەن مۋتە, تەيلور فريتتس وينايدى.
ٶتكەن جىلداعىداي, ماتچتار تٶرت بٶلٸكتەن تۇرادى, ونىڭ ەرقايسىسى 8 مينۋتقا سوزىلادى. تەننيسشٸلەر ەكٸ رەت ەمەس, بٸر مەرتە عانا دوپ بەرە الادى.
بۋبليك دوداعا العاش رەت قاتىسپاقشى. ٶتكەن جىلى يتالييالىق ماتتەو بەررەتتيني جەڭٸمپاز اتانعان بولاتىن.
