اتىراۋ وبلىسىنداعى تەڭٸز كەنٸشٸندە قاراشادان بەرٸ 140 جۇمىسشى كوروناۆيرۋس جۇقتىردى, دەپ حابارلايدى "ۇلت اقپارات".
دەنساۋلىق ساقتاۋ باسقارماسى باسپاسٶز قىزمەتٸنٸڭ مەلٸمەتٸنشە, اتالعان كەن ورنىندا قاراشادان بەرٸ قاۋٸپتٸ ٸندەتتٸ جۇقتىرعان 140 جاعداي تٸركەلگەن. ونىڭ ٸشٸندە 71 ناۋقاس سوڭعى 4 تەۋلٸكتە انىقتالعان.
«تەڭٸز كەن ورنىنداعى 315 ورىندىق ينفەكتسييالىق ستاتسيوناردا 15 مامان جۇمىس ٸستەۋدە. قازٸر مۇندا 111 ناۋقاس ەم قابىلداۋدا. وسىلايشا ستاتسيونار جٷكتەمەسٸ 35,2 پايىزدى قۇراپ وتىر. سوعان سەيكەس, دەنساۋلىق ساقتاۋ باسقارماسى بٷگٸن تەڭٸز كەن ورنىنا قوسىمشا 8 ماماندى جٸبەرۋگە شەشٸم قابىلداندى. ونىڭ ٸشٸندە 2 دەرٸگەر, 2 مەيٸرگەر مەن 4 سانيتار بار» -دەپ حابارلادى باسقارمانىڭ باسپاسٶز قىزمەتٸ.
