فوتو: قازاقستان inform
تەلەجۋرناليست ازامات ەبٸلقايىر يران تٶڭٸرەگٸندەگٸ تەكەتٸرەس قاۋٸپ-قاتەردٸڭ كەيدە الىستان ەمەس, ەڭ جاقىن ورتادان تۋىندايتىنىن كٶرسەتەتٸنٸن ايتادى, دەپ حابارلايدى Ult.kz قازاقستان inform-عا سٸلتەمە جاساپ.
وسى ورايدا جۋرناليست قاسىم-جومارت توقاەۆ ۇستانىمىن ەسكە سالدى. مەملەكەت باسشىسى ٶڭٸرلٸك ىنتىماقتاستىقتىڭ ماڭىزىن ٷنەمٸ اتاپ ٶتٸپ كەلەدٸ. پرەزيدەنت ورتالىق ازييا مەملەكەتتەرٸ اراسىنداعى تاتۋ كٶرشٸلٸك قاتىناستاردى دامىتۋ, سەنٸمدٸ ديالوگ ورناتۋ جەنە ساۋدا-ەكونوميكالىق بايلانىستاردى نىعايتۋ قاجەتتٸگٸن جيٸ ايتادى. ونىڭ پٸكٸرٸنشە, دامۋشى جەنە ورتا دەرجاۆالار ٷشٸن ۇزاقمەرزٸمدٸ تۇراقتىلىقتى قامتاماسىز ەتۋ ماقساتىندا تىعىز ٶزارا ٸس-قيمىلدى قولداۋ اسا ماڭىزدى.
ازامات ەبٸلقايىر جاھاندىق تۋربۋلەنتتٸلٸك جاعدايىندا كٶرشٸلەس ەلدەر اراسىنداعى ٶزارا تٷسٸنٸستٸك پەن پراگماتيكالىق ۇستانىم قاۋٸپسٸزدٸكتٸڭ نەگٸزگٸ فاكتورىنا اينالاتىنىن اتاپ ٶتتٸ. سونىمەن قاتار ول قازاقستاننىڭ سىرتقى ساياساتتاعى بايىپتى باعىتىنا نازار اۋدارىپ, كٷردەلٸ ٶڭٸرلٸك ورتادا تەڭگەرٸمدٸ ساياسات جٷرگٸزٸپ وتىرعان يوردانييا تەجٸريبەسٸن مىسالعا كەلتٸردٸ.
