زاڭبۇزۋشىلىقتار تسيفرلىق تاڭبالاۋ جٷيەسٸ ارقىلى انىقتالعان. دەرٸحانا جەلٸلەرٸ ارقىلى وسىنداي دەرٸ-دەرمەكتٸڭ 26 مىڭنان استام قاپتاماسىن ساتۋعا ەرەكەت جاسالعان. وسىدان كەيٸن ماماندار 106 مەديتسينالىق ۇيىم مەن دەرٸحاناعا تەكسەرۋ جٷرگٸزدٸ, دەپ حابارلايدى ult.kz.
سالىنعان ايىپپۇلداردىڭ جالپى سوماسى 20 ميلليون تەڭگەدەن استى. ال كەلتٸرٸلگەن الدىن الا شىعىن 36 ميلليون تەڭگەدەن جوعارى دەپ باعالانىپ وتىر.
شٸلدە ايىندا دەنساۋلىق ساقتاۋ مينيسترلٸگٸ تسيفرلىق تاڭبالاۋ جٷيەسٸ ەكٸ جىل ٸشٸندە دەرٸحانالاردا تەگٸن بەرٸلەتٸن دەرٸ-دەرمەكتٸ قايتا ساتۋ بويىنشا 25 مىڭنان استام جاعدايدى انىقتاعانىن حابارلاعان.
قىركٷيەك ايىنان باستاپ تسيفرلىق تاڭبالاۋ جٷيەسٸ بيولوگييالىق بەلسەندٸ قوسپالارعا دا ەنگٸزٸلە باستادى. ال 2027 جىلى بۇل جٷيەنٸ مەديتسينالىق بۇيىمدارعا تاراتۋ جوسپارلانىپ وتىر.
