تايۆاننىڭ ەپيدەميياعا قارسى كوماندالىق ورتالىعى كوروناۆيرۋستىڭ ٶرشۋٸنە بايلانىستى قىتايلىق تۋريستەردٸڭ قۇرلىقتان ارالعا كەلۋٸنە تولىقتاي تىيىم سالدى, دەپ حابارلايدى Kyodo.
ورتالىق سونداي-اق جۇما كٷننەن باستاپ گونكونگ نەمەسە ماكاودا بولعان شەتەلدٸكتەرگە دە تايۆانعا كٸرۋگە تىيىم سالدى. بٸراق تايۆان رەزيدەنتٸ اتانعان شەتەلدٸكتەر ارالعا بارا الادى.
قىتاي, گونكونگ نەمەسە ماكاودا بولعان تايۆان ازاماتتارى 14 كٷن بويى ٷيٸندە قالۋى كەرەك. 7 اقپاننان باستاپ تايۆان اۋماعىنداعى گونكونگ پەن ماكاو تۇرعىندارى دا 14 كٷن بويى ٷيٸنەن شىقپاۋى تيٸس.
بۇدان بۇرىن تايۆان جاڭا كوروناۆيرۋستى 11 ادامنىڭ جۇقتىرعانىن حابارلادى.
مەديتسينالىق ماسكانىڭ تاپشىلىعىنا بايلانىستى كوماندالىق ورتالىق بەيسەنبٸ كٷنٸ ونى ساتۋعا شەكتەۋ بەلگٸلەدٸ, ياعني بٸر ادامعا جەتٸ كٷنگە تەك ەكٸ بەتپەردە ساتىلادى.
