تاراز ەكٸمٸ باقىتجان ورىنبەكوۆتىڭ جالاقىسى قانشا ەكەنٸ بەلگٸلٸ بولدى. بۇل تۋرالى ول "وبوجايۋ" YouTube-ارناسىندا اسحات نييازوۆقا بەرگەن سۇحباتىندا ايتتى, - دەپ حابارلايدى Massaget.kz پورتالى.
جۋرناليست ەكٸمنەن بۇرىنعى لاۋازىمىنداعى تابىسى تۋرالى سۇرادى. باقىتجان ورىنبەكوۆ بۇل سۇراققا جاۋاپ بەرەمەدٸ, بٸراق قازٸر تاراز ەكٸمٸ رەتٸندە قانشا الاتىنىن ايتتى.
"جالاقىما قىزىعۋشىلىق تانىتساڭىز, مەملەكەتتٸك قىزمەتكەر رەتٸندە 1 ميلليون 80 مىڭ تەڭگە الامىن. جالاقىم سالىقتى ەسەپتەگەندە 890 000 تەڭگە شاماسىندا بولادى", - دەپ جاۋاپ بەردٸ ەكٸم.
سونداي-اق, باقىتجان ورىنبەكوۆتىڭ ايتۋىنشا, تارازداعى ورتاشا جالاقى - 180-220 مىڭ تەڭگە.
ەسكە سالايىق, بۇعان دەيٸن شقو ەكٸمٸ دانيال احمەتوۆتىڭ جالاقىسى ەكٸ ميلليوننان اساتىنى ايتىلسا, الماتى ەكٸمٸ ەربولات دوساەۆتىڭ جالاقىسى 980 مىڭ تەڭگە ەكەنٸ مەلٸم بولدى.
