رەسپۋبليكالىق ماڭىزى بار شقو, وقو جەنە قاراعاندى وبلىستارىندا سۋ تاسقىنىنا بايلانىستى كٶلٸكتەر قوزعالىسى شەكتەلدٸ, دەپ حابارلايدى "ۇلت اقپارات" «قازاۆتوجول» رمك باسپاسٶز قىزمەتٸنە سٸلتەمە جاساپ.
بٷگٸن 15 سەۋٸردە سۋ تاسقىنىنا بايلانىستى سەمەي-قاينار جولىندا 8-166 شاقىرىم جەردە (27 شاقىرىمدى سۋ شايعان) قوزعالىس شەكتەلدٸ. اينالما جول - «سەمەي-قاراۋىل» ارقىلى.
وقو-دا سۋ تاسقىنىنا بايلانىستى «سامارا-شىمكەنت» اۆتوجولىنىڭ 2217-2235 شاقىرىمى ارالىعىندا (2229 شاقىرىم كٶپٸر) كٶلٸكتٸڭ بارلىق تٷرٸنە قوزعالىس شەكتەلدٸ. جاعالاۋ مەن ارىس ٶزەنٸندەگٸ كٶپٸر تٸرەكتەرٸن سۋ شايىپ كەتتٸ. اينالما جول - تامەرلانوۆاكا اۋىلى ارقىلى.
قاراعاندىدا «اقشاتاۋ-اعادىر» اۆتوجوىنىڭ 90-195 شاقىرىمى (166 شاقىرىم +750 م. جولدى سۋ شايدى) ارالىعىنداعى جول جابىلدى. اينالما جول - «قاراعاندى-اقسۋ-ايۋلى-اقادىر» ارقىلى; «قاراعاندى-اياگٶز-بۇعاز» 17-217 شاقىرىم (43,141,169,174,178 شاقىرىمدى سۋ شايدى), قاراعاندىدان قارقارالىعا دەيٸن «باستاۋ-اقتاۋ-تەمٸرتاۋ» 1-12 شاقىرىم جەر, باستاۋدان اقتاۋ كەنتٸنە دەيٸنگٸ ۋچاسكەدە (11 شاقىرىمدى سۋ شايدى) كٶلٸكتٸڭ بارلىق تٷرٸنە جول جابىلدى.
قازاۆتوجولدا اتاپ ٶتكەندەي, سۋ باسۋى مٷمكٸن ۋچاسكەلەردە نىعايتۋ, بەكٸتۋ جۇمىستارى جٷرٸپ جاتىر, الدىن الۋ بەلگٸلەرٸ قويىلىپ, تەۋلٸك بويى كەزەكشٸلٸك ۇيىمداستىرىلدى.
