تٷركٸستان وبلىسى, سوزاق اۋدانىنىڭ باعباندارى قاۋىن-قاربىزدارىن ەكسپورتقا شىعارۋدى جوسپارلاپ وتىر. شارۋا قوجالىقتارى بٸرٸگٸپ, 600 توننادان استام ٶنٸمدٸ رەسەيگە ساۋدالاماق, دەپ حابارلايدى "ۇلت اقپارات".
ديقاندار بيىل جالپى 107 گەكتار اۋماققا باقشا ٶنٸمدەرٸن ەگٸپ, ونىڭ 40 گەكتارىنا قاۋىن ٶسٸردٸ. قالعان 66 گەكتاردان استام جەرگە قاربىز كٶشەتٸ وتىرعىزىلعان.
ايتا كەتەيٸك, وڭتٷستٸك ٶڭٸرٸنٸڭ تەرٸسكەيٸ سانالاتىن اۋداندا باقشا ٶنٸمدەرٸن ٶسٸرۋ ەندٸ عانا قولعا الىنىپ كەلەدٸ. قىسى قاتال بولاتىن ٶڭٸردە تۇرعىندار نەگٸزٸنەن مال شارۋاشىلىعىمەن اينالىسادى. تٷيە باعىپ, ونىڭ سٷتٸن ٶندٸرەدٸ. ال باۋ-باقشا ۇستاپ, ودان ٶنٸم الۋدى سوزاق اۋىلىنىڭ شارۋالارى عانا جٷزەگە اسىرۋدا. اتالعان اۋىلدا 2020 جىلعا تاعى 3 شارۋا قوجالىعى باقشا ٶنٸمدەرٸن ٶسٸرمەك. ٶيتكەنٸ دايىن ٶنٸمگە جەرگٸلٸكتٸ تۇرعىنداردان دا سۇرانىس ارتقان.
ەسكە سالايىق, سوزاقتىق باعباندار ٶتكەن جىلى دا قاۋىن-قاربىزدارىن ەكسپورتقا شىعارعان بولاتىن. سٶيتٸپ مول تابىسقا كەنەلگەن.
