قازاقستان ستراتەگييالىق زەرتتەۋلەر ينستيتۋتىنىڭ بۇرىنعى عىلىمي قىزمەتكەرٸ, بەلگٸلٸ قىتايتانۋشى كونستانتين سىروەجكينگە قىلمىستىق ٸستٸ قايتا قاراۋدان باس تارتىلدى, - دەپ حابارلايدى Tengrinews.kz اگەنتتٸگٸ.
2019 جىلى كونستانتين سىروەجكين مەملەكەتكە وپاسىزدىق جاساعانى ٷشٸن ايىپتى دەپ تانىلعان. الماتىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى ونى 10 جىلعا باس بوستاندىعىنان ايىردى.
"جوعارعى سوتتىڭ قىلمىستىق ٸستەر جٶنٸندەگٸ سوت القاسى سۋدياسىنىڭ 2022 جىلعى 14 سەۋٸردەگٸ قاۋلىسى بويىنشا سوتتالعان كونستانتين سىروەجكيننٸڭ ٶتٸنٸشٸن سوت اكتٸلەرٸن قايتا قاراۋعا نەگٸزدەردٸڭ بولماۋىنا بايلانىستى كاسساتسييالىق ساتىداعى سوت وتىرىسىندا قاراۋدان باس تارتىلدى. باس تارتۋ تۋرالى قاۋلى شىققانعا دەيٸن جەنە ودان كەيٸن سوتتالۋشىنىڭ ٶزٸ دە, ونىڭ قورعاۋشىلارى/ادۆوكاتتارى دا سوت اكتٸلەرٸن كاسساتسييالىق تەرتٸپپەن قايتا قاراۋ تۋرالى ٶتٸنٸش بٸلدٸرگەن جوق", - دەدٸ جوعارعى سوتتىڭ باسپاسٶز قىزمەتٸ ٶكٸلدەرٸ.
2019 جىلدىڭ باسىندا كونستانتين سىروەجكين قاماۋعا الىنعان بولاتىن. تەرگەۋدٸ ۇقك ورگاندارى قر قىلمىستىق كودەكسٸنٸڭ 175-بابى 1-بٶلٸمٸ "مەملەكەتكە وپاسىزدىق جاساۋ" بويىنشا جٷرگٸزدٸ.
كونستانتين سىروەجكين – تاريح عىلىمدارىنىڭ كانديداتى جەنە ساياسي عىلىمداردىڭ دوكتورى. 2006 جىلدان باستاپ قازاقستان ستراتەگييالىق زەرتتەۋلەر ينستيتۋتىندا باس عىلىمي قىزمەتكەر بولىپ جۇمىس ٸستەگەن.
