فوتو: اشىق دەرەككٶز
قازاقستاندا الاياقتىقتىڭ جاڭا تٷرٸ پايدا بولدى: ٶزٸن مەديتسينالىق ۇيىم قىزمەتكەرٸ رەتٸندە تانىستىراتىن بەلگٸسٸز ادامدار ازاماتتارعا قوڭىراۋ شالىپ, سكرينينگتٸك تەكسەرۋدەن ٶتۋ ٷشٸن SMS-كودتى ايتۋىن سۇرايدى, دەپ حابارلايدى Ult.kz.
قر دەنساۋلىق ساقتاۋ مينيسترلٸگٸ ەشبٸر مەملەكەتتٸك مەديتسينالىق مەكەمە SMS-كود ارقىلى سكرينينگكە جازىلۋدى نەمەسە ونى راستاۋدى سۇرامايتىنىن قاتاڭ تٷردە ەسكەرتەدٸ.
SMS ارقىلى كەلەتٸن كودتار ەدەتتە, تسيفرلىق قىزمەتتەرگە كٸرۋ نەمەسە وپەراتسييالاردى راستاۋ ٷشٸن قولدانىلادى جەنە ولاردى ٷشٸنشٸ تۇلعالارعا مٷلدەم بەرۋگە بولمايدى.
دەرٸگەرلٸك تەكسەرۋگە قاتىستى رەسمي حابارلامالار تەك مەملەكەتتٸك پورتالداردا, ەمحانالاردىڭ تٸركەۋ بٶلٸمدەرٸ ارقىلى نەمەسە رەسمي بايلانىس ارنالارىمەن جٷرگٸزٸلەدٸ.
مينيسترلٸك قازاقستاندىقتاردى قىراعى بولۋعا, تەلەفونمەن كەلٸپ تٷسكەن كٷمەندٸ سۇرانىستارعا سەنبەۋگە شاقىرادى.
