فوتو: Polisia.kz
سقو-دا پوليتسەيلەر تۇرعىننىڭ ينتەرنەت-الاياقتارعا اۋدارعان 18,6 ملن تەڭگەسٸن قايتاردى, دەپ حابارلايدى Ult.kz.
ٶتكەن جىلدىڭ جەلتوقسان ايىنىڭ سوڭىندا سولتٷستٸك قازاقستان وبلىسى ماعجان جۇماباەۆ اۋدانىنىڭ 45 جاستاعى تۇرعىنى Instagram جەلٸسٸنەن بانكتەردٸڭ بٸرٸنٸڭ "تەگٸن اكتسييالار" ارقىلى تابىس تابۋ تۋرالى جارناماسىن كٶرگەن. ەيەل سٸلتەمە ارقىلى ٶتٸپ, بايلانىس نٶمٸرٸن قالدىرعان.
Telegram مەسسەندجەرٸ ارقىلى وعان "اناليتيك" حابارلاسىپ, ۆاليۋتا ساۋداسىنا ارنالعان ارنايى قوسىمشانى جٷكتەۋگە كٶندٸرگەن. الايدا بۇل قوسىمشا جالعان بولىپ شىققان. وندا كٶرسەتٸلگەن مەلٸمەتتەر شىنايى ساۋدامەن ەش بايلانىسى بولماعان.
ەيەل باستاپقىدا 25 مىڭ تەڭگە سالعان. كٶپ ۇزاماي وعان "العاشقى ديۆيدەند" رەتٸندە 11 مىڭ تەڭگە قايتارىلعان. بولاشاقتاعى جوعارى تابىسقا سەنگەن جەبٸرلەنۋشٸ eGov پورتالىنداعى نەسيە رەسٸمدەۋگە قويىلعان تىيىمدى الىپ تاستاپ, بانكتەردەن قارىز العان, سونداي-اق تۋىستارى مەن تانىستارىنان اقشا قارىزعا العان. ەكٸ اي ٸشٸندە ول الاياقتارعا جالپى سوماسى 18,6 ميلليون تەڭگە اۋدارعان. تەك اقپان ايىندا جەبٸرلەنۋشٸ الدانعانىن تٷسٸنٸپ, پوليتسيياعا جٷگٸنگەن.
جەدەل ٸس-شارالار بارىسىندا پوليتسەيلەر قوستاناي قالاسىنىڭ 25 جاستاعى تۇرعىنىن انىقتادى. ول جەبٸرلەنۋشٸلەردٸڭ قاراجاتىن كريپتوۆاليۋتاعا ايىرباستاپ, الاياقتىق سحەمانى ۇيىمداستىرۋشىلارعا جٸبەردٸ دەگەن كٷدٸككە ٸلٸنگەن. جاس جٸگٸت بۇل ەرەكەتتٸ قوسىمشا "جەڭٸل تابىس" رەتٸندە قاراستىرعانىن ايتقان.
پوليتسەيلەر دروپپەرلٸك قىلمىستىق جاۋاپكەرشٸلٸككە ەكەلەتٸنٸن تٷسٸندٸرگەننەن كەيٸن, كٷدٸكتٸ كەلتٸرٸلگەن شىعىندى ٶتەۋ ٷشٸن قاراجات تاپقان. ونىڭ اناسى جەبٸرلەنۋشٸگە بارلىق سومانى جەكە ٶزٸ جەتكٸزٸپ بەرگەن.
قازٸرگٸ ۋاقىتتا ماعجان جۇماباەۆ اۋدانىنىڭ پوليتسييا بٶلٸمٸ قىزمەتكەرلەرٸ ماتەريالداردى پروتسەستٸك شەشٸم قابىلداۋ ٷشٸن اۋماقتىق تيەسٸلٸگٸ بويىنشا قوستاناي قالاسىنداعى ەرٸپتەستەرٸنە جولداۋعا دايىنداۋدا.
جىل باسىنان بەرٸ سقو-دا ينتەرنەت-الاياقتىقتىڭ 200-دەن استام دەرەگٸ تٸركەلدٸ, ونىڭ 24-ٸ "ينۆەستيتسييا" سحەماسىنا قاتىستى. مۇنداي الاياقتىق تٷرٸ ەدەتتە ەڭ ٸرٸ ماتەريالدىق شىعىندارعا ەكەلەدٸ. پوليتسەيلەر ينتەرنەتتەگٸ "جەڭٸل تابىس" تۋرالى ۋەدەلەرگە سەنبەۋگە شاقىرادى.
