شىمكەنت قالاسىنىڭ پوليتسييا دەپارتامەنتٸ كارانتين كەزٸندە جوعارى سۇرانىسقا يە دەرٸ-دەرمەكتەردٸ قىمبات باعادا ساتۋ فاكتٸلەرٸن انىقتاۋ ماقساتىندا جەدەل-پروفيلاكتيكالىق ٸس-شارا ٶتكٸزدٸ, دەپ حابارلايدى قازاقپارات.
قابىلدانعان شارالار نەتيجەسٸندە پايدا تابۋ ٷشٸن دەرٸلەردٸ الىپ-ساتۋمەن اينالىسقان دەرٸحانا قىزمەتكەرلەرٸ مەن قالا تۇرعىندارى انىقتالدى. بارلىعى 10 فاكتٸ تٸركەلدٸ.
تەرتٸپ ساقشىلارى رەيد بارىسىندا ەلٸمقۇلوۆ كٶشەسٸندەگٸ ٷيدٸڭ اۋلاسىنان دەرٸ-دەرمەك جاسىرىلعان 3 قويمانى تاپقان. وندا پرەپاراتتاردىڭ جالپى 229 تٷرٸ تابىلدى. قويمالاردى تەكسەرۋ بارىسىندا يەسٸ ساتۋعا رۇقسات بەرەتٸن ليتسەنزييانى كٶرسەتكەن. الايدا, بۇل ليتسەنزييا باسقا عيماراتقا ارنالعانى جەنە مۇنداعى دەرٸ-دەرمەكتەر زاڭسىز ساقتالعانى انىقتالدى.
فارماتسەۆت ماماندار قويماداعى پرەپاراتتاردى ٷش توپقا بٶلدٸ:
بٸرٸنشٸ توپ - ەل اۋماعىندا تٸركەلمەگەن جەنە ساتۋعا رۇقسات بەرٸلمەگەندەر. ولار - كونۆۋلەكس, ەنتسەفوبول, الوە ەكستراكتى ينەكتسييا ٷشٸن جەنە تاعى باسقالار.
ەكٸنشٸ توپ - رەسپيراتورلىق-ۆيرۋستى اۋرۋلاردى ەمدەۋگە ارنالعان جوعارى سۇرانىسقا يە دەرٸ-دەرمەكتەر. ولار – تسەف ٸٸٸ, تسەفترياكسون, ينگاۆيرين, گوردوكس, دەكسامەتازون جەنە تاعى باسقالار.
ٷشٸنشٸ توپ – ەسەپتە تۇرعان ازاماتتارعا تەگٸن بەرٸلەتٸن دەرٸ-دەرمەكتەر. ولار دەپاكين, مەتودجەكت جەنە تاعى باسقالار.
سونداي-اق, قويماداعى دەرٸ-دەرمەكتەردٸڭ ساقتالۋىنا ەشقانداي جاعداي جاسالماعانى جەنە ساقتالۋ تالاپتارى ٶرەسكەل بۇزىلعانى انىقتالدى. ياعني پرەپاراتتار ەمدەۋ قاسيەتتەرٸن جوعالتىپ, ادام ٶمٸرٸنە قاۋٸپ تۋدىرۋى مٷمكٸن.
«فارماتسەۆت ماماندارىنىڭ قاتىسۋىمەن بارلىق 229 دەرٸ-دەرمەكتٸڭ تٷرلەرٸ ايعاقتى زات رەتٸندە الىندى. تەركٸلەنگەن پرەپاراتتاردىڭ ٸشٸندە كٶپ ناۋقاستار تابا الماي جٷرگەن تسەف ٸٸٸ, ينگاۆيرين, دەكسامەتازون, پاراتسەتامول سيياقتى دەرٸلەر بار. بارلىق انىقتالعان جايتتار بويىنشا قولدانىستاعى زاڭناماعا سەيكەس قۇقىقتىق باعا بەرٸلەتٸن بولادى», - دەلٸنگەن حابارلامادا.
