بٷگٸن شىمكەنتتە «كرەديتتٸك كووپەراتسييا. ەرەكشەلٸگٸن بٸل!» اتتى تاقىرىپتا ەلٸمٸزدەگٸ كرەديتتٸك سەرٸكتەستٸكتەردٸڭ حالىقارالىق ٸ-فورۋمى ٶتتٸ, دەپ حابارلايدى ەكٸمٸنٸڭ باسپاسٶز قىزمەتٸ.
شارانى ەلٸمٸزدٸڭ اۋىل شارۋاشىلىعى مينيسترلٸگٸ, «اگرارلىق نەسيە كورپوراتسيياسى» اق مەن اگروٶنەركەسٸپ كەشەنٸندەگٸ كرەديتتٸك سەرٸكتەستٸكتەر قاۋىمداستىعى زاڭدى تۇلعالار بٸرلەستٸگٸ ۇيىمداستىردى. فورۋم جۇمىسىن اشىپ بەرگەن وڭتٷستٸك قازاقستان وبلىسىنىڭ ەكٸمٸ جانسەيٸت تٷيمەباەۆ بٷگٸنگٸ شارانىڭ ماڭىزدىلىعىنا توقتالدى.
«مەملەكەت باسشىسى حالىققا ارناعان جولداۋىندا ٶزارا كرەديتتەۋ تٷرٸندەگٸ قارجى مەن نەسيە قىزمەتتەرٸن ۇسىنۋ بويىنشا تارماقتالعان قارجى جەلٸسٸنٸڭ اسا قاجەت ەكەنٸن اتاپ ٶتكەن ەدٸ. سونداي-اق ەلباسى ەلٸمٸزدٸڭ ەكونوميكالىق ىنتىماقتاستىق جەنە دامۋ ۇيىمىنا (ارى قاراي - ەىدۇ) مٷشە ەلدەردٸڭ ستاندارتتارىنا كٶشۋ قاجەتتٸگٸن جٷكتەگەن بولاتىن. ٶيتكەنٸ, اۋىل شارۋاشىلىعى ٶنٸم ٶندٸرۋشٸلەرٸنٸڭ قارجىلاندىرۋعا قولجەتٸمدٸلٸگٸ - اگرارلىق سەكتوردىڭ بەسەكەگە قابٸلەتتٸلٸگٸن باعالاۋدا باستى ٶلشەم بولىپ تابىلادى. سوندىقتان بٷگٸنگٸ شاراعا قاتىسۋشىلارعا العىسىمىزدى بٸلدٸرٸپ, الداعى ۋاقىتتا تىعىز قارىم-قاتىناستا جۇمىس ٸستەۋگە شاقىرامىن», - دەدٸ جانسەيٸت قانسەيٸتۇلى.
200-گە جۋىق ادامنىڭ باسىن قوسقان حالىقارالىق فورۋمعا كرەديتتٸك سەرٸكتەستٸكتەر, «قازاگرو» حولدينگٸ, «اتامەكەن» ۇكپ مەن قازاقستان قارجىگەرلەرٸ قاۋىمداستىعىنىڭ ٶكٸلدەرٸ قاتىستى. بۇدان ٶزگە, رەسەي مەن ليتۆادان ارنايى كەلگەن كرەديتتٸك كووپەراتسييا جەتەكشٸلەرٸ دە بار.
ايتا كەتەيٸك, ەلٸمٸزدەگٸ كرەديتتٸك سەرٸكتەستٸكتەردٸڭ دامۋ تاريحى سوناۋ 2001 جىلدان باستاۋ الادى. كرەديتتٸك سەرٸكتەستٸك ينستيتۋتى قۇرىلعالى بەرٸ, 16 جىل ٸشٸندە ولاردىڭ سانى 187-گە جەتتٸ. العاش قۇرىلعان كەزدە قاتىسۋشىلاردىڭ سانى 800-دەن اسپاعان بولسا, قازٸرگٸ تاڭدا كرەديتتٸك سەرٸكتەستٸك قاتىسۋشىلارىنىڭ سانى 15 600-دٸ قۇراپ وتىر. وسى ۋاقىتقا دەيٸن نەسيە سەرٸكتەستٸكتەرٸ ارقىلى شارۋالارعا 241 ميلليارد تەڭگەنٸڭ 40 مىڭنان استام زايمى بەرٸلگەن.
فورۋم اياسىندا «كرەديتتٸك سەرٸكتەستٸكتەردٸڭ دامۋ ستراتەگيياسى: قارجى ينستيتۋتى رەتٸندە كرەديتتٸك كووپەراتسييانىڭ بولاشاعى», سونداي-اق كرەديتتٸك سەرٸكتەستٸكتەر ٷشٸن سەرۆيستەر مەن قىزمەتتەر جايى تالقىلاندى. نەسيەلٸك سەرٸكتەستٸك ٶكٸلدەرٸ ەسٸرەسە رەسەي جەنە ليتۆاداعى كرەديتتٸك كووپەراتسييا ينستيتۋتتارىنىڭ دامۋ تەجٸريبەسٸنە قىزىعۋشىلىق تانىتتى.
فورۋم اياسىندا «اٶك كرەديتتٸك سەرٸكتەستٸكتەر قاۋىمداستىعى» زاڭدى تۇلعالار بٸرلەستٸگٸ مەن ليتۆانىڭ كرەديتتٸك وداقتار قاۋىمداستىعى اراسىندا ىنتىماقتاستىق جٶنٸندە مەموراندۋمعا قول قويىلدى. ياعني, كٶرشٸ ەلدەردٸڭ كووپەراتيۆتٸك باۋىرلاستىعى سٶز جٷزٸندە ەمەس, ٸس جٷزٸندە ٸسكە اسىپ وتىر. فورۋم سوڭىندا ٷزدٸك كرەديتتٸك سەرٸكتەستٸك ٶكٸلدەرٸ ارنايى ديپلومدارمەن ماراپاتتالدى.
