شىمكەنت قالاسىنىڭ تۇرعىندارى بەلگٸسٸز ۆيرۋسقا شالدىققانىن مەلٸمدەدٸ. تۇماۋدىڭ بەلگٸلەرٸ كوروناۆيرۋسقا ۇقسايدى, دەپ حابارلايدى Sputnik قازاقستان Otyrar.kz پورتالىنا سٸلتەمە جاساپ.
قالا تۇرعىنى شىنار ورازوۆا سوڭعى بٸر ايدىڭ ٸشٸندە ەكٸنشٸ رەت اۋىرىپ وتىر. سالقىن سۋ ٸشپەگەن, جەلدٸڭ ٶتٸندە وتىرماعان. اۋرۋعا قالاي شالدىققانىن تٷسٸنبەي دال. دەنە قىزۋى جوق, بٸراق مۇرنى بٸتەلگەن. تاماعى اۋىرىپ, بۋىندارى دا سىرقىرايدى ەكەن. سوسىن جٶتەل پەن دەمٸكپە قىسادى. ال پتر-تەس تەرٸس نەتيجە كٶرسەتكەن. كوروناۆيرۋس جوق.
"باس كەزٸندە مۇرنىمنان سۋ توقتاماي اقتى. ودان كەيٸن تاماعىم جىبىرلاي باستادى. جەكەمەنشٸك مەديتسينالىق ورتالىققا كٶرٸنٸپ ەدٸم, ول جاقتا ۆيرۋستى ينفەكتسييا دەدٸ. دەرٸ-دەرمەك جازىپ بەردٸ. قازٸر ەمدەلٸپ جٷرمٸن", - دەيدٸ ورازوۆا.
جٷزدەگەن شىمكەنتتٸك تۋرا سونداي اۋرۋ بەلگٸلەرٸن بايقاعان. ماماندار بولسا, قالادا ۆيرۋس جٷرگەنٸن ايتىپ وتىر. اقپان-ناۋرىز ايلارىندا ٶتكٸر رەسپيراتورلىق ۆيرۋستى ينفەكتسيياعا شالدىققان 7 962 ادام تٸركەلگەن. بىلتىر تۋرا وسى كەزەڭمەن سالىستىرعاندا ەكٸ ەسە ارتىق بولىپ تۇر. ۆيرۋستى ينفەكتسيياعا شالدىققانداردىڭ باسىم بٶلٸگٸ – 72,5 پروتسەنتٸ 14 جاسقا دەيٸنگٸ بالالار.
قالا تۇرعىندارى ۇزاق ەمدەلٸپ جٷرگەنٸن ايتادى. ال دەرٸگەرلەردٸڭ ايتۋىنشا, بۇنىڭ بارلىعى – كوروناۆيرۋستىڭ سالدارى. ادام اعزاسى ەلسٸرەپ قالعان.
شىمكەنتتە سوڭعى ون كٷننٸڭ ٸشٸندە 2 ادامنان عانا كوروناۆيرۋس انىقتالدى. قالعان ادامداردا پتر-تەست تەرٸس نەتيجە كٶرسەتتٸ.
پروفيلاكتيكالىق مەديتسينا اكادەميياسىنىڭ پرەزيدەنتٸ الماز شارماننىڭ ايتۋىنشا, قالانى اينالىپ جٷرگەن ۆيرۋستى تەرٸس پتر-نەتيجە كٶرسەتەتٸن كوروناۆيرۋس دەپ ايتۋ قيىن. ول ٷشٸن زەرتتەۋ جٷرگٸزۋ كەرەك.
"بٸلۋٸمشە, قازاقستاندا ونداي زەرتتەۋ جاسالماعان. الايدا ەلەمدە, سونىڭ ٸشٸندە قىتايدا, باتىس ەۋروپادا جەنە اقش-تا وميكروننىڭ بٸر تٷرٸ تارالىپ جاتىر. وميكرونعا ۇقسايدى, بٸراق ودان تەز تارالادى. مەنٸڭشە, ەكٸ اپتادان كەيٸن ناقتى قانداي شارالاردى قولعا الۋ كەرەك ەكەنٸن بٸلەمٸز", - دەيدٸ شارمان.
