شىمكەنت ماڭىنداعى بٶلٸمنەن قارۋلانعان ەسكەري قىزمەتشٸ قاشىپ كەتتٸ. پوليتسييا ەر ادامدى ٸزدەستٸرٸپ جاتىر, دەپ جازادى Sputnik قازاقستان.
"شىمكەنت ماڭىنداعى ەسكەري بٶلٸمدەردٸڭ بٸرٸنەن كەلٸسٸمشارتپەن قىزمەت ەتكەن كٸشٸ سەرجانت قاشىپ كەتتٸ. قارۋدى ساقتاۋ بٶلمەسٸندە بٸرنەشە قارۋ جوعالعانى انىقتالدى", - دەپ حابارلادى قورعانىس مينيسترلٸگٸ.
قۇقىق قورعاۋ ورگاندارى مەن ەسكەري پوليتسييا قىزمەتكەرلەرٸ جەدەل-ٸزدەستٸرۋ شاراسىن جٷرگٸزٸپ جاتىر. سونداي-اق, قاۋٸپسٸزدٸكتٸ قامتاماسىز ەتۋ جۇمىسى قولعا الىندى.
جەلٸدە كەزەكشٸنٸڭ كٶمەكشٸسٸ تاڭعى 4-تە كەزەكشٸلٸك كەزٸندە قارۋ ۇرلاپ, بٶلٸمنەن قاشىپ كەتكەنٸ تۋرالى اقپارات تاراپ جاتىر. مەتٸندە "پەرەحۆات" جوسپارى جٷرگٸزٸلٸپ جاتقانى ايتىلعان.
ەسكەري قىزمەتشٸ وتىز اك-74, جيىرما جەتٸ 9 مم پم (ماكاروۆ تاپانشاسى), اك پاترونى (420), ماكاروۆ تاپانشاسىنىڭ پاترونى - 48, پم تراۆماتيكالىق تاپانشاسىن (1, 24 پاترون) قولدى ەتكەن.
