فوتو: Pexels.com
شىعىس قازاقستان وبلىسىندا 39 جاسىندا ينسۋلتتان قايتىس بولعان ازاماتتىڭ اعزالارى تٶرت ادامنىڭ ٶمٸرٸن قۇتقارىپ قالدى, دەپ حابارلايدى Qazaqstan.tv.
مارقۇمنىڭ تۋىستارى دەرٸگەرلەردٸڭ ۇسىنىسىن قابىل الىپ, اعزا دونورلىعىنا كەلٸسٸم بەرگەن. كٷردەلٸ وپەراتسييا التى ساعاتقا سوزىلىپ, ٸشكٸ اعزالار سانيتارلىق اۆياتسييا ارقىلى شۇعىل تٷردە استاناعا جەتكٸزٸلدٸ.
نەتيجەسٸندە دونوردىڭ بٸر بٷيرەگٸ 9 جاستاعى قىزعا, ەكٸنشٸ بٷيرەگٸ 58 جاستاعى ازاماتقا سالىندى. ال جٷرەگٸ مەن ٶكپەسٸ ترانسپلانتاتسيياعا مۇقتاج اۋىر ناۋقاستارعا جارادى. مامانداردىڭ ايتۋىنشا, قازاقستاندا مەيٸتتٸك دونورلىق ەلٸ دە ٶزەكتٸ مەسەلە بولىپ تۇر. قازٸرگٸ ۋاقىتتا ەل بويىنشا اعزا اۋىستىرۋ كەزەگٸندە 4080 ناۋقاس تۇرسا, ولاردىڭ 300-ٸ – شىعىس قازاقستان وبلىسىنىڭ تۇرعىندارى.
مەيٸتتٸك دونورلىق مەدەنيەتٸن دامىتۋ حالىقتىڭ ٶمٸر ساپاسىن جاقسارتىپ, كٶپتەگەن ناۋقاستارعا جاڭا ٶمٸر سىيلاۋعا مٷمكٸندٸك بەرەدٸ.
