بەيسەنبٸ كٷنٸ شري-لانكانىڭ شىعىس جاعالاۋىندا مۇناي سۋپەرتانكەرٸ ٶرتەندٸ. ەل بيلٸگٸ مۇنايعا تولى كەمە جاعاعا قاراي قالقي باستاعاننان كەيٸن ونى تٸركەپ, سٷيرەۋگە كٸرٸستٸ. بۇل تۋرالى Reuters اگەنتتٸگٸ.
2 ميلليونعا جۋىق باررەل مۇنايدى تاسىمالداعان New Diamond تانكەرٸندەگٸ ٶرت ەلٸ باسىلماي جاتىر. تانكەر بورتىندا ەكيپاجدىڭ 23 مٷشەسٸ بولعان, ولاردىڭ بٸرەۋٸ قازا تاپتى, قالعاندارى قۇتقارىلعان.
كەمەدەن مۇنايدىڭ اعىپ كەتۋ بەلگٸلەرٸ انىقتالماعانى حابارلاندى. ٶرتتٸ سٶندٸرۋگە رەسەي ەسكەري-تەڭٸز كٷشتەرٸ مەن ٷندٸستاننىڭ جاعالاۋداعى كٷزەت كەمەلەرٸ قاتىسىپ وتىر.
بەيسەنبٸ كٷنٸ تاڭەرتەڭ تانكەردٸڭ ماشينا بٶلٸمٸندە باستالعان ٶرت كەمەنٸڭ Indian Oil Corp (IOC) (IOC.NS) (ٷندٸستان مەملەكەتتٸك مۇناي-گاز كومپانيياسى) ساقتاندىرىلعان مٸنبەسٸنە اۋىسقان.
ەۋەلدە كەمە تيرۋككوۆيل قالاسىنان شىعىسقا قاراي 38 شاقىرىم جەردەگٸ قايراڭدا قالعان. ەل بيلٸگٸ تانكەردٸ تٸركەپ شىعىسقا قاراي, جاعادان الىستاۋ جەرگە سٷيرەي باستادى.
تيرۋككوۆيل – شري-لانكانىڭ امپارا اۋماعىنداعى قالاسى. جاقىن جەردە بٷكٸل ەلەمگە تانىمال سەرفينگشٸلەرگە ارنالعان ارۋگام-بەي ورنالاسقان.
الدىن الا بولجام بويىنشا, تەڭٸزشٸلەردٸڭ بٸرٸ قازا تاپتى. ەكيپاج قۇرامىندا گرەكييانىڭ 5 ازاماتى مەن فيليپپيننٸڭ 18 ازاماتى بولعان. ەكيپاج مٷشەلەرٸنٸڭ بٸرٸ جاراقات الدى.
كەمەنٸڭ كۋۆەيتتەگٸ مينا-ەل-احمادي كەمەجايىنان شىعىپ, ٷندٸستاننىڭ پاراديپ كەمەجايىنا باعىت العانى اتاپ ٶتٸلەدٸ.
