اتىراۋدا بوپسالاۋمەن اينالىسقان شەتەلدٸك ەيەل ۇستالدى, دەپ حابارلايدى "ۇلت اقپارات".
وبلىستىق پوليتسييا دەپارتامەنتٸ باسپاسٶز قىزمەتٸنٸڭ اقپاراتىنا قاراعاندا, اتىراۋ قالاسىندا تۇراتىن 51 جاستاعى ەيەل بوپسالاۋ تۋرالى ارىزدانعان.
شاعىمدانۋشىنىڭ ارىزىندا ٶزگە ازاماتشانىڭ قورقىتىپ 50 000 تەڭگە تالاپ ەتكەنٸ ايتىلعان.
ٶزبەكستان رەسپۋبليكاسىنىڭ 32 جاستاعى ازاماتشاسى عالامتور جەلٸسٸنە جەبٸرلەنۋشٸنٸڭ ينتيمدٸك سيپاتتاعى بەينەجازبالارىن جٷكتەيمٸن دەپ بوپسالاعان.
«كٷدٸكتٸ ازاماتشا 19 قاڭتاردا اتىراۋ قالاسى س.داتوۆ كٶشەسٸندەگٸ بانك فيليالى ٸشٸندە ورنالاسقان تەرمينالدان تالاپ ەتكەن اقشاسىن ەسەپشوتىنا سالدىرتقان. پوليتسييا كٷدٸكتٸنٸ سول جەردە ۇستادى» دەپ حابارلادى دەپارتامەنتتٸڭ باسپاسٶز قىزمەتٸنەن.
قازٸر اتالعان دەرەككە قر قىلمىستىق كودەكسٸنٸڭ 194-بابى 1-بٶلٸگٸمەن سوتقا دەيٸنگٸ تەرگەۋ جٷرگٸزٸلٸپ جاتىر.
