5 شٸلدەدەن باستاپ ەلٸمٸزدە شەكتەۋ شارالارى كٷشەيتٸلگەننەن كەيٸن بالالاردىڭ اۋلادا ويناۋىنا بولا ما? بۇل ساۋالعا بٷگٸن بۇل تۋرالى قر باس مەملەكەتتٸك سانيتار دەرٸگەرٸ ايجان ەسماعامبەتوۆا جاۋاپ بەردٸ, دەپ حابارلايدى قازاقپارات.
«قاۋلىدا بالالاردىڭ اۋلاعا شىعۋىنا تىيىم سالۋ كٶزدەلمەگەن. دەگەنمەن, بٸز كەمەلەتكە تولماعان بالالار كٶشەدە, اۋلادا ەرەسەكتەرمەن بٸرگە عانا جٷرۋگە, سونىمەن قاتار كەز كەلگەن بايلانىستان بارىنشا اۋلاق بولۋعا كەڭەس بەرەمٸز. ياعني, بٸزدٸڭ كەڭەسٸمٸز بالالار اۋلادا ويناعا كەزدە بٸر وتباسىنىڭ مٷشەلەرٸ شەگٸندە عانا جٷرگەنٸ دۇرىس. ٶزگە بالالارمەن بايلانىستا بولماۋعا تىرىسۋ قاجەت. ٶيتكەنٸ, اۋرۋدىڭ بٸرەۋدەن بٸرەۋگە تارالۋى جٷرٸپ جاتىر», - دەدٸ باس سانيتار دەرٸگەر ورتالىق كوممۋنيكاتسييالار قىزمەتٸندەگٸ بريفينگ بارىسىندا باق ٶكٸلدەرٸنٸڭ ساۋالىنا وراي.
سونىمەن قاتار ول كارانتيننٸڭ بارلىق شارالارى ۆيرۋستىڭ ادامنان ادامعا تارالۋىنىڭ الدىن الۋعا تٸزبەكتٸ ٷزۋگە باعىتتالىپ وتىرعاندىعىن باسا ايتتى.
