جامبىلدىق پوليتسەيلەر ەكسترەميستٸك سيپاتتاعى دٸني ەدەبيەتتٸ زاڭسىز ەكەلۋ ەرەكەتٸنٸڭ جولىن كەستٸ, - دەپ حابارلايدى "ۇلت اقپارات".
قىرعىزستان رەسپۋبليكاسىنىڭ تالاس وبلىسىنىڭ باقاي-اتا اۋدانىندا تۇراتىن قىرعىز رەسپۋبليكاسىنىڭ ازاماتى «ايشا بيبٸ» شەكارالىق باقىلاۋ پۋنكتٸ ارقىلى جامبىل وبلىسىنىڭ اۋماعىنا قازاقستان رەسپۋبليكاسىنىڭ سوت ورگاندارىمەن تىيىم سالىنعان ەكسترەميستٸك مازمۇنداعى دٸني ەدەبيەتتەردٸ الىپ كٸرۋگە ەرەكەت جاساعان.
اتالعان دەرەككە قاتىستى جامبىل وبلىسىنىڭ پوليتسييا دەپارتامەنتٸ ەكسترەميزمگە قارسى ٸس-قيمىل باسقارماسىنىڭ قىزمەتكەرلەرٸ قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنٸڭ 453-بابى 4-بٶلٸگٸ بويىنشا ەكٸمشٸلٸك حاتتاما تولتىردى.
«جامبىل وبلىسىنىڭ جامبىل اۋداندىق سوتىنىڭ قاۋلىسىمەن جوعارىدا كٶرسەتٸلگەن باپتا كٶزدەلگەن ەكٸمشٸلٸك قۇقىق بۇزۋشىلىقتى جاساعانى ٷشٸن ك. ەسٸمدٸ ازاماتقا 291 700 تەڭگە كٶلەمٸندە ەكٸمشٸلٸك ايىپپۇل سالىندى», - دەلٸنگەن وبلىستىق پوليتسييا دەپارتامەنتٸ باسپاسٶز قىزمەتٸنٸڭ حابارلاماسىندا.
