فوتو: instagram.com/shavkatrakhmonov94/
قازاقستاندىق شاۆكات راحمونوۆتىڭ كەلەسٸ قارسىلاسى امەريكالىق ستيۆەن تومپسون بولۋى مٷمكٸن. جەكپە-جەك تالقىلاۋ دەڭگەيٸندە, - دەپ حابارلايدى Tengrinews.kz اگەنتتٸگٸ Vesti.kz سايتىنا سٸلتەمە جاساپ.
بۇل تۋرالى جۋرناليست اريەل حەلۆاني MMA Hour باعدارلاماسىنىڭ سوڭعى شىعارىلىمىندا ايتتى. حەلۆاني تومپسون نەمەسە راحمونوۆپەن جەكپە-جەككە شىعۋ تۋرالى پروموۋشەننەن رەسمي ۇسىنىس بولعان-بولماعانىن ناقتىلامادى.
جەكپە-جەك كٷنٸ ەلٸ انىقتالعان جوق, بٸراق ول 2022 جىلدىڭ اياعىنا جوسپارلانعان بولۋى مٷمكٸن. راحمونوۆ – تومپسون جەكپە-جەگٸنٸڭ جەڭٸمپازى جارتىلاي ورتا سالماقتاعى ٷزدٸك بەستٸككە كٸرۋگە ايتارلىقتاي مٷمكٸندٸك الادى.
تومپسون ٶتكەن جەلتوقساندا بەلال مۇحاممەدتەن جەڭٸلگەننەن كەيٸن كەلەسٸ قارسىلاسىن ٸزدەپ جاتىر. ول بىلتىر گيلبەرت بەرنس پەن مۇحاممەدتەن جەڭٸلگەننەن كەيٸن 2022 جىلى جەكپە-جەك ٶتكٸزگەن جوق.
ەسكە سالايىق, لاس-ۆەگاستا (نەۆادا, اقش) ٶتكەن UFC Vegas 57 تۋرنيرٸندە راحمونوۆ ەكٸنشٸ راۋندتا امەريكالىق نيل مەگنيدٸ قىلقىندىرۋ ەدٸسٸمەن جەڭگەن بولاتىن. وسىدان كەيٸن قازاقستاندىق تومپسوندى جەكپە-جەككە شاقىردى.
