فوتو: Tengrinews.kz/تۋرار كازانگاپوۆ
بوكسشى سەرٸك سەپيەۆ قازاقستاندىقتاردان بالۋان زەلٸمحان مۇسيحانوۆپەن بولعان جانجالدى ۇمىتۋدى سۇرادى, - دەپ حابارلايدى Massaget.kz سايتى Tengri Sport پورتالىنا سٸلتەمە جاساپ.
بۇعان دەيٸن باق-تا سەرٸك سەپيەۆ پەن زەلٸمحان مۇسيحانوۆتىڭ اراسىنداعى جانجالدان كەيٸن "جاس بالۋان سپورت كوللەدجٸنەن, ال ونىڭ وتباسى مٷشەلەرٸ جۇمىستان شىعارىلدى" دەگەن اقپارات تارادى. كەيٸن بالۋاننىڭ وقۋدان شىعارىلعانى تۋرالى اقپارات جوققا شىعارىلدى.
Tengri Sport رەداكتسيياسى سەرٸك سەپيەۆكە حابارلاسىپ, جاعدايعا پٸكٸر بٸلدٸرۋدٸ سۇرادى.
"مەن بۇل تۋرالى بٸرٸنشٸ رەت ەستٸپ تۇرمىن. ونىڭ وتباسىنا قاتىستى اقپاراتتى دا راستاي المايمىن. مەن كەز كەلگەن قىسىمعا قارسىمىن. حالقىمىز بۇل جاعدايدى ۇمىتسا ەكەن دەيمٸن. وقيعا اياقتالدى. سپورت - ەموتسييا, كەز كەلگەن بەسەكەلەستٸكتٸڭ قالىپتى بٶلٸگٸ. بۇل جاستارعا تەك سەتتٸلٸك تٸلەيمٸن", - دەدٸ بوكسشى.
