سەناتورلار تٶراعانىڭ جاڭا ورىنباسارىن سايلادى, دەپ حابارلايدى Sputnik قازاقستان.
جوعارعى پالاتانىڭ بٷگٸنگٸ وتىرىسىندا سەنات تٶراعاسى مەۋلەن ەشٸمباەۆ وسى لاۋازىمعا دەپۋتات ولگا پەرەپەچينانىڭ كانديداتۋراسىن ۇسىندى.
بۇل ۇسىنىستى بارلىق دەپۋتات قولدادى. وسىلايشا, پەرەپەچينا سەنات تٶراعاسىنىڭ ورىنباسارى لاۋازىمىنا سايلاندى. ول بٸردەن پرەزيديۋمعا ٶتٸپ, ٶز مٸندەتٸنە كٸرٸستٸ.
سونداي-اق, سەناتورلار پەرەپەچينانى قارجى جەنە بيۋدجەت كوميتەتٸنٸڭ تٶرايىمى لاۋازىمىنان بوساتىپ, وسى قىزمەتكە دەپۋتات سەرٸكباي تۇرىموۆتى سايلاپ الدى.
ايتا كەتەرٸ, مەملەكەت باسشىسىنىڭ جارلىعىمەن سەنات تٶراعاسىنىڭ بۇرىنعى ورىنباسارى نۇرلان ەبدٸروۆ ورتالىق سايلاۋ كوميسسيياسىنىڭ تٶراعاسى قىزمەتٸنە تاعايىندالعان بولاتىن.
بٷگٸن سەناتورلار وعان العىس ايتىپ, قۇرمەتپەن شىعارىپ سالدى.
