سەمەي قالاسىندا جوعالىپ كەتكەن 22 جاستاعى جٸگٸتتٸڭ دەنەسٸ كٶپٸر استىنان تابىلدى, دەپ حابارلايدى "ۇلت اقپارات".
شاھار تۇرعىنى ارمان مۇحاليەۆ 10 مامىر كٷنٸ تاڭعى ساعات 05.00-دە ٷيدەن شىعىپ, سول كٷيٸ قايتىپ ورالماعان.
ونى ٸزدەستٸرۋگە پوليتسييا قىزمەتكەرلەرٸ, ۆولونتەرلەر مەن جەرگٸلٸكتٸ تۇرعىندار تارتىلدى.
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 13 مامىردا ەرتٸس ٶزەنٸندەگٸ كٶپٸر استىنان 22 جاستاعى ەر ادامنىڭ مەيٸتٸ تابىلعان.
ونى سول ماڭايدا ٶتٸپ بارا جاتقان ازاماتتار بايقاپ قالعان.
- قازٸرگٸ ۋاقىتتا اتالعان فاكتٸ بويىنشا سەمەي قالالىق پب زاتون پوليتسييا بٶلٸمٸنٸڭ تەرتٸپ ساقشىلارى قر قىلمىستىق كودەكسٸنٸڭ 105-بابى 1-بٶلٸگٸنە سەيكەس سوتقا دەيٸنگٸ تەرگەۋ امالدارىن باستادى. سوت-مەديتسينالىق ساراپتاما تاعايىندالعان. وقيعانىڭ مەن-جايى تەكسەرٸلٸپ جاتىر, - دەپ حابارلادى ۆەدومستۆو ٶكٸلدەرٸ.
