ەرتٸستەگٸ مۇزدى جارۋ جۇمىستارى سەمەي سۋ جولدارى كەسٸپورنىنا دا شىعىن كەلتٸردٸ, دەپ حابارلايدى قازاقپارات.
ەرتٸستەگٸ مۇزدى جارۋ جۇمىستارىنان كەيٸن الىپ مۇزدىقتار, اۋىر جٷك كەمەلەرٸنٸڭ بٸر-بٸرٸنە سوقتىعىسۋىنا الىپ كەلگەن. وقيعا تيحوميروۆسكيي ايلاعىندا بولدى. مۇندا ٶندٸرٸستٸك فلوتقا ارنالعان ايلاق ورنالاسقان. ياعني, بۇل جەر جٷك كەمەلەرٸنٸڭ قىسقى تۇراعى. مۇز جارىلعاننان كەيٸن جٷرە باستاعان سەڭ شاعىن جٷك كەمەلەرٸن بٸرٸن-بٸرٸنە سوعىپ تاستاعان.
«مۇنى قازٸر جاۋاپتى مەكەمە ٶكٸلدەرٸ تەكسەرۋ كەرەك. ەگەر بارجا بەلگٸلەنگەن ورىندا تۇرعان بولسا, بۇل بٸر مەسەلە, ال ەگەر ول رۇقسات بەرەتٸن قۇجاتسىز تۇرسا, بۇل مٷلدە باسقا مەسەلە بولماق. سوندىقتان تەكسەرۋ كەرەك», - دەدٸ شقو ەكٸمٸ دانيال احمەتوۆ.
ەسكە سالايىق, ەرتٸستە مۇزدى جارۋ جۇمىستارى 28 ناۋرىزدان باستاپ جٷرگٸزٸلۋدە. مۇز كەپتەلٸسٸنٸڭ سالدارىنان ٶزەن ارناسىنان شىعىپ, تۇرعىن ٷيلەرگە قاۋٸپ تٶندٸرگەن بولاتىن.
بۇعان دەيٸن مۇزدى جارۋ جۇمىستارى كەزٸندە كٶپقاباتتى تۇرعىن ٷيلەردٸڭ تەرەزەلەرٸ سىنىپ, بٸر ادام جاراقاتتانعانىن حابارلاعان بولاتىنبىز.
