سەمەيدە قولايسىز اۋا رايىنا بايلانىستى مەكتەپتەر مەن كوللەدجدەردە ساباق بولمايدى, - دەپ حابارلايدى شىعىس قازاقستان وبلىستىق تج دەپارتامەنتٸ.
«وبلىستىق بٸلٸم باسقارماسىنىڭ مەلٸمەتٸنشە, 18 قاڭتاردا سەمەيدە جەلدٸڭ ۇيىتقۋى – 18 م/س. وسىعان بايلانىستى 1-اۋىسىمدا وقيتىن 1-11 سىنىپ وقۋشىلارى مەن كوللەدجدٸڭ 1-2-كۋرس ستۋدەنتتەرٸنە ساباق بولمايدى», - دەپ تٷسٸندٸردٸ شقو تجد-دا.
بۇدان بٶلەك «قازاۆتوجول» جشس شقو فيليالىنىڭ حابارلاۋىنشا 18 قاڭتاردا ساعات 07:15-تەن باستاپ اۋا رايىنىڭ ناشارلاۋىنا (قار, بوران, جول كٶرٸنٸسٸنٸڭ شەكتەلۋٸ) بايلانىستى رەسپۋبليكالىق ماڭىزى بار «ٶسكەمەن-ريددەر-رەسەي شەكاراسى) اۆتوجول ۋچاسكەسٸندە بارلىق كٶلٸك تٷرلەرٸ ٷشٸن قوزعالىس شەكتەلدٸ.
سونداي-اق تج دەپارتامەنتٸندە ساعات 09:00-دەن باستاپ جول كٶرٸنٸسٸنٸڭ ناشارلاۋىنان بارلىق كٶلٸك تٷرلەرٸ ٷشٸن وبلىستىق ماڭىزى بار «ٶسكەمەن- گورنايا ۋلبينكا-سەۆەرنوە» تراسساسىندا جول جابىق ەكەنٸن اتاپ ٶتتٸ.
