سەمەي يادرولىق قاۋٸپسٸزدٸك ايماعى (سياقا) قۇرىلادى. بۇل تۋرالى مەجٸلٸستٸڭ جالپى وتىرىسىندا «سەمەي يادرولىق قاۋٸپسٸزدٸك ايماعى تۋرالى» زاڭ جوباسىن تالقىلاۋ كەزٸندە قر ەنەرگەتيكا مينيسترٸ بولات اقشولاقوۆ مەلٸم ەتتٸ, دەپ حابارلايدى قازاقپارات.
«پروبلەمالاردى شەشۋ ماقساتىندا «سەمەي يادرولىق قاۋٸپسٸزدٸك ايماعى تۋرالى» زاڭ جوباسى ەزٸرلەنٸپ, تيٸستٸ ۇسىنىستار جاسالىپ وتىر. وسى ورايدا بۇرىنعى سەمەي يادرولىق سىناق پوليگونىنداعى جۇمىستاردىڭ ورىندالۋىنا جاۋاپتى ۇيىمدى تاعايىنداۋ, كەشەندٸ ەكولوگييالىق تەكسەرۋ جەنە مەملەكەتتٸك ەكولوگييالىق ساراپتاما نەتيجەلەرٸ بويىنشا نورماتيۆتەن تىس رادياتسييالىق لاستانعان اۋماقتاردىڭ جەنە شارتتى تازا جەرلەردٸڭ شەكارالارى مەن اۋدانىن ايقىنداۋ ەسكەرٸلگەن», - دەدٸ اقشولاقوۆ.
زاڭ جوباسىندا نورماتيۆتەن ارتىق راديواكتيۆتٸ لاستانۋعا ۇشىراعان اۋماقتاردا ارنايى قۇقىقتىق رەجيمٸ بار سەمەي يادرولىق قاۋٸپسٸزدٸك ايماعىن (سياقا) قۇرۋ جەنە ولاردى ۋەكٸلەتتٸ ۇيىمعا پايدالانۋعا بەرۋ كٶزدەلەدٸ.
مۇنىمەن قوسا, بۇرىنعى پوليگوننىڭ لاستانعان ۋچاسكەلەرٸن وڭالتۋ, ايماق اۋماعىندا رادياتسييالىق جاعدايعا مونيتورينگ جٷرگٸزۋ, بۇرىنعى پوليگوننىڭ شارتتى تازا جەرلەرٸن شارۋاشىلىق اينالىمعا بەرۋدٸ قاراستىرعان.
«پوليگوننىڭ نورماتيۆتەن تىس لاستانعان جەرلەرٸن باسقارۋ جٶنٸندەگٸ ۋەكٸلەتتٸ ۇيىم رەتٸندە ەنەرگەتيكا مينيسترلٸگٸنٸڭ ۆەدومستۆولىق باعىنىستى ۇيىمى – قازاقستان رەسپۋبليكاسىنىڭ ۇلتتىق يادرولىق ورتالىعىن تاعايىنداۋ بولجانىپ وتىر. بۇل ۇيىم 1992 جىلى تۇڭعىش پرەزيدەنتتٸڭ جارلىعىمەن بۇرىنعى سەمەي يادرولىق سىناق پوليگونى كەشەنٸ جەنە تيٸستٸ عىلىمي ۇيىمدار مەن وبەكتٸلەر نەگٸزٸندە قۇرىلعان. كەسٸپورىن 30 جىل بويى اتوم ەنەرگيياسىن بەيبٸت ماقساتتا پايدالانۋ, راديوەكولوگييا جەنە يادرولىق ينفراقۇرىلىم وبەكتٸلەرٸن جويۋ سالاسىندا اعىمداعى قىزمەتٸن جٷزەگە اسىرىپ كەلەدٸ جەنە جوعارى بٸلٸكتٸ پەرسونالى, مامانداندىرىلعان جابدىقتارى, دامىعان ينجەنەرلٸك-تەحنيكالىق ينفراقۇرىلىمى مەن قاجەتتٸ رۇقسات بەرۋ قۇجاتتارى بار», - دەدٸ مينيستر.
