بوكستان ريو وليمپياداسىنداعى جارىس جەرەبەسٸ تارتىلدى. ازاتتىق تٸلشٸسٸنٸڭ حابارلاۋىنشا, قازاقستاندىق بٸرجان جاقىپوۆ (49 كگ) جارىستى ەكٸنشٸ اينالىمنان باستايدى. ول ماتياس نامۋنيەلا (ناميبييا) مەن رۋفات حۋسەينوۆ (ەزەربايجان) اراسىنداعى جەكپە-جەكتٸڭ جەڭٸمپازىمەن كەزدەسەدٸ.
ولجاس سەتتٸباەۆ (52 كگ) بٸرٸنشٸ اينالىمدا پۋەرتو-ريكولىق حاۆەر كينتروندى جەڭسە, 2015 جىلعى ەلەم چەمپيونى ەزەربايجاندىق ەلۆين ماميشزادەمەن رينگكە شىعادى. قايرات ەراليەۆ (56 كگ) 2013 جىلى الماتىدا ٶتكەن ەلەم چەمپيوناتىنىڭ جەڭٸمپازى ەزەربايجاندىق جاۆيد چەلەبيەۆپەن كەزدەسەدٸ. ەراليەۆ الماتىداعى ەلەم چەمپيوناتىنىڭ جارتىلاي فينالىندا وسى بوكسشىدان جەڭٸلگەن.
بەرٸك ەبدٸراحمانوۆ (60 كگ) العاشقى اينالىمدا امەريكالىق كارلوس ۆالدەراسپەن كەزدەسەدٸ. ابىلايحان جٷسٸپوۆ (64 كگ) بٸرٸنشٸ جەكپە-جەگٸندە ۇلىبريتانييالىق پەت ماككورماكپەن سايىسقا تٷسەدٸ. ونىڭ جەڭسە, كۋبالىق ياسنەل تولەدومەن بوكستاسادى.
دانييار ەلەۋسٸنوۆ (69 كگ) جارىستى ەكٸنشٸ اينالىمنان باستايدى. ونىڭ العاشقى قارسىلاسى دجوش كەللي (ۇلىبريتانييا) مەن ۋاليد موحامماد (ەگيپەت) اراسىنداعى جەكپە-جەكتە انىقتالادى. جەنٸبەك ەلٸمحانۇلى (75 كگ) العاشقى اينالىمدا ۇلىبريتانييالىق ەنتوني فوۋلەرمەن كەزدەسەدٸ.
ەدٸلبەك نييازىمبەتوۆ (81 كگ) ەكٸنشٸ اينالىمدا ۆالەنتينو مانفرەدونيو (يتالييا) مەن ميحايل دولگولەۆەتس (بەلورۋس) اراسىنداعى جەكپە-جەك جەڭٸمپازىمەن جۇدىرىقتاسادى. ۆاسيليي لەۆيت (91 كگ) ەكٸنشٸ اينالىمدا قىتايلىق يۋ فەنكايمەن بوكستاسادى.
+91 كيلوگرامم سالماقتا يۆان دىچكو بٸرٸنشٸ اينالىمدى اتتاپ ٶتەدٸ. ونىڭ قارسىلاسى ماگومەدراسۋل مەدجيدوۆ (ەزەربايجان) پەن موحامەد اردجوۋي (ماروككو) اراسىنداعى كەزدەسۋدە انىقتالادى. دىچكو 2013 جىلى الماتىداعى ەلەم چەمپيوناتىنىڭ فينالىندا مەدجيدوۆتان نوكداۋنمەن جەڭٸلگەن.
ەيەلدەر اراسىندا جاينا شەكەربەكوۆا (51 كگ) ەكٸنشٸ اينالىمدا ماروككولىق زاحرا ەز-زاحراۋي مەن فرانتسييالىق سارا وۋراحمون اراسىنداعى كەزدەسۋدٸڭ جەڭٸمپازىمەن بوكستاسادى.
داريعا شەكٸموۆا (75 كگ) بٸرٸنشٸ اينالىمدا 2008 جىلعى ەلەم چەمپيونى كانادالىق اريانا فورتينمەن رينگكە شىعادى.
ريو وليمپياداسىنداعى بوكس جارىستارى 6-21 تامىز اراسىندا ٶتەدٸ.
