فوتو: olympic.kz
حوككەيشٸ دميتريي گۋركوۆ رەسەي ازاماتتىعىنان باس تارتتى. قازاقستان قۇراماسىندا ويناپ جٷرگەن 26 جاستاعى سپورتشى مۇنداي قادامعا ەلەم چەمپيوناتىنا قاتىسۋ ٷشٸن بارعان, دەپ جازادى Halyq Uni.
Sportbox-تٸڭ حابارلاۋىنشا, دميتريي گۋركوۆ بۇعان دەيٸن قوس ازاماتتىقپەن (رەسەي, قازاقستان) جٷرگەن. بٸراق ەلەم چەمپيوناتىنان رەسەي مەن بەلارۋسييا قۇرامالارىنىڭ شەتتەلۋٸ ونىڭ «كيىن شەشٸم قابىلداۋىنا» الىپ كەلگەن. اقىرىندا ول قازاقستان ازاماتى پاسپورتىمەن عانا قالىپ وتىر.
«شابۋىلشى ازييا ەلٸنٸڭ زاڭناماسىنا بايلانىستى تەك قازاقستان پاسپورتىن قالدىرۋعا مەجبٷر بولدى. بۇعان دەيٸن جانكٷيەرلەر 4 حوككەيشٸنٸڭ قوس ازاماتتىعى بار ەكەنٸن ەسكەرتٸپ, تەكسەرۋدٸ تالاپ ەتكەن. وسىلايشا, ويىنشىلارعا قازاقستان قۇراماسى ٷشٸن ەلەم چەمپيوناتىندا (ەلەم كۋبوگىندا) ٶنەر كٶرسەتكٸسٸ كەلسە, رەسەي پاسپورتىنان باس تارتۋ ۇسىنىلدى», - دەلٸنگەن اقپاراتتا.
