24 ماۋسىم كٷنٸ رەسەيدٸڭ 28 قالاسىندا, سونىڭ ٸشٸندە قاھارمان قالالارى مەن ەسكەري وكرۋگتەر, ارمييا جەنە ارمييا كورپۋستارى, فلوتتارى ورنالاسقان قالالاردا جەڭٸستٸڭ 75 جىلدىعى قۇرمەتٸنە پاراد ٶتەدٸ, دەپ حابارلايدى تاسس اگەنتتٸگٸ.
باسقا كٶپتەگەن قالالاردا دا ٶزگە فورماتتاعى مەرەكەلٸك شارالار, سونىڭ ٸشٸندە سالتاناتتى شەرۋلەر ٶتەدٸ.
كەيبٸر ٶڭٸرلەر ەپيدەميولوگييالىق جاعدايعا بايلانىستى بيلٸك شەرۋ ٶتكٸزۋدەن باس تارتقان نەمەسە پارادتى كٶرەرمەنسٸز ٶتكٸزۋ شەشٸمٸن قابىلداعان.
26 ماۋسىمدا رف پرەزيدەنتٸ ۆلاديمير پۋتين قورعانىس مينيسترٸ سەرگەي شويگۋمەن ٶتكەن كەڭەس بارىسىندا جەڭٸس پارادى 24 ماۋسىم, ياعني 1945 جىلى تاريحي جەڭٸس پارادى بولعان كٷنٸ ٶتەتٸنٸن جارييالادى.
مەسكەۋگە ەكٸنشٸ دٷنيەجٷزٸلٸك سوعىستاسى جەڭٸستٸڭ 75 جىلدىعىنا ارنالعان سالتاناتتى شارالارعا قاتىسۋ ٷشٸن شەتەلدٸك مەملەكەتتەردٸڭ كٶشباسشىلارى كەلٸپ جاتىر.
رەسەي استاناسىنا ابحازييا پرەزيدەنتٸ اسلان بجانييا, قازاقستان پرەزيدەنتٸ قاسىم-جومارت توقاەۆ, مولداۆييا پرەزيدەنتٸ يگور دودون, سەربييا پرەزيدەنتٸ الەكساندر ۆۋچيچ, ٶزبەكستان پرەزيدەنتٸ شاۆكات ميرزيەەۆ, بەلارۋس پرەزيدەنتٸ الەكساندر لۋكاشەنكو جينالدى, سونداي-اق بوسنييا مەن گەرتسەگوۆينا پرەزيديۋمىنىڭ سەربييالىق مٷشەسٸ ميلوراد دوديك, قىرعىزستان پرەزيدەنتٸ سوورونباي جەەنبەكوۆ, تەجٸكستان پرەزيدەنتٸ ەمومالي راحمون, وڭتٷستٸك وسەتييا پرەزيدەنتٸ اناتوليي بيبيلوۆتٸڭ كەلۋٸ كٷتٸلۋدە.
ەسكە سالا كەتسەك, مەملەكەت باسشىسى قاسىم-جومارت توقاەۆ رەسەي فەدەراتسيياسىنىڭ پرەزيدەنتٸ ۆلاديمير پۋتيننٸڭ شاقىرۋىمەن مەسكەۋگە جۇمىس ساپارىمەن باردى.
مەملەكەت باسشىسى بٷگٸن نۇر-سۇلتان ۋاقىتى بويىنشا ساعات 13:00-دە قىزىل الاڭدا جەڭٸستٸڭ 75 جىلدىعىنا ارنالعان ەسكەري پارادقا قاتىسادى. سونىمەن قاتار, قاسىم-جومارت توقاەۆ «بەلگٸسٸز سولدات» قابٸرٸنە گٷل شوعىن قويادى جەنە جەڭٸستٸڭ 75 جىلدىعىنا ارنالعان سالتاناتتى قابىلداۋعا قاتىسادى.
