رف قيىر شىعىستى دامىتۋ جٶنٸندەگٸ مينيسترٸ الەكساندر گالۋشكانىڭ ايتۋىنشا, كەلەسٸ جىلدان باستاپ بارلىق ازاماتتار وسى ايماقتان بٸر گەكتار جەر الا الادى. اعىمداعى جىلى ماۋسىمنىڭ 1-ٸ كٷنٸ كٷشٸنە ەنگەن زاڭعا سەيكەس, قيىر شىعىستا تەگٸن گەكتار بەرٸلەتٸن توعىز اۋدان بەكٸتٸلگەن بولاتىن. ولار – ياكۋتييا, كامچاتكا, پريمورسك, حاباروۆسك, امۋر, ماگادان, ساحالينسك, سونداي-اق ەۆرەي مەن چۋكوت اۆتونومدى وكرۋگتار. وسىدان كەيٸن بٷكٸل قيىر شىعىس فەدەرالدى وكرۋگىندا جەر بەرۋ شەشٸمٸ قابىلدانعان بولاتىن. وعان تەك وكرۋگ تۇرعىندارىنا عانا قاتىسۋعا مٷمكٸندٸك بەرٸلگەن ەدٸ, دەپ حابارلايدى Baq.kz تٸلشٸسٸ ريا-نوۆوستيپورتالىنا سٸلتەمە جاساپ.
«ەندٸ, كەلەسٸ جىلدان باستاپ رەسەيدٸڭ بارلىق ازاماتتارى ٶتٸنٸش بەرٸپ, تەگٸن بٸر گەكتار جەردٸ الا الادى. مەملەكەت ٶز تاراپىنان ناقتى تالاپ قويىپ وتىر. بەس جىلدىڭ ٸشٸندە جەردٸ يگەرٸپ الۋ قاجەت. ول تالاپ ورىندالماسا, جەر مەملەكەت مەنشٸگٸنە قايتارىلادى», - دەيدٸ ا.گالۋشكا.
مينيستردٸڭ سٶزٸنە قاراعاندا, قازان ايىنا دەيٸن جەردٸ يگەرۋدٸڭ 30 تيپتٸك شەشٸمدەرٸن ەزٸرلەۋ كٶزدەلٸپ وتىر. «ول قۇجاتتار جەردٸ يگەرۋدٸڭ بيزنەس-جوسپارلارى ٸسپەتتٸ بولادى», - دەپ اتاپ كٶرسەتتٸ مينيستر.
