رەسەيدٸڭ كراسنويار ٶلكەسٸندەگٸ «ەرگاكي» ۇلتتىق ساياباعىندا جٷرگەن بٸر توپ تۋريستەرگە ايۋ شابۋىلداپ, سالدارىنان بٸر جاسٶسپٸرٸم قازا تاۋىپ, تاعى بٸر ادام جاراقات الدى. بۇل تۋرالى تاسس اقپارات اگەنتتٸگٸ حابارلادى.
«ايۋ 13 ادامنان تۇراتىن تۋريستەر توبىنا شابۋىل جاساعان. سالدارىنان ەكٸ ادام زارداپ شەگٸپ, ونىڭ بٸرەۋٸ – 16 جاستاعى جاسٶسپٸرٸم قايتىس بولدى», - دەپ مەلٸمدەدٸ تجم جەرگٸلٸكتٸ بٶلٸمشەسٸنەن.
تجم اقپاراتىنشا, قازٸرگٸ كەزدە تۋريستەر باعداردان شىعارىلىپ جاتىر.
كراسنويار ٶلكەسٸ مەن حاكاسييا بويىنشا تەرگەۋ كوميتەتٸنٸڭ باسقارماسى جانۋاردىڭ ادامدارعا شابۋىلداۋى فاكتٸسٸنە قاتىستى تەكسەرۋ جۇمىسىن باستادى.
وقيعا ورنىنا تەرگەۋ-جەدەل توبى شىقتى.
«ەرگاكي» ساياباعى كراسنويار ٶلكەسٸنٸڭ وڭتٷستٸگٸندە ورنالاسقان. ونىڭ اۋدانى – 342 مىڭ گا.
