رەسەي تٷركييامەن بٸرگە العاش رەت سيرييادا "يسلام مەملەكەتٸ" ەكسترەميستٸك ۇيىمىنىڭ مٷشەلەرٸنە ەۋەدەن سوققى جاساعانىن مەلٸمدەدٸ.
رەسەيلٸك قورعانىس مينيسترلٸگٸنٸڭ ٶكٸلٸ گەنەرال-لەيتەنانت سەرگەي رۋدسكويدىڭ حابارلاۋىنشا, ەۋە شابۋىلىن رەسەي ەۋە كٷشتەرٸنٸڭ توعىز ۇشاعى مەن سەگٸز تٷرٸك ۇشاعى جٷزەگە اسىرعان. ەۋە سوققىسى الەپپو پروۆينتسيياسىنداعى ەل باب قالاشىعىندا 18 قاڭتاردا جاسالعان. تٷرٸك ەسكەري قولباسشىلىعى رەسەيمەن بٸرگە ەۋەدەن سوققى بەرگەنٸن راستادى.
2015 جىلى تٷرٸك-سيرييا شەكاراسىندا رەسەيلٸك جويعىشتى تٷرٸكتەر اتىپ تٷسٸرگەن سوڭ, انكارا مەن مەسكەۋ قارىم-قاتىناسى كٷرت سۋىپ كەتكەن ەدٸ. بٸراق جاقىن ۋاقىتتان بەرٸ ەكٸ ەل سيرييا پرەزيدەنتٸ باشار اساد جٷيەسٸ مەن قارۋلى وپپوزيتسييا اراسىنداعى بەيبٸت كەلٸسسٶزدەردٸ بٸرلەسٸپ ٷيلەستٸرٸپ وتىر. بەيبٸت كەلٸسسٶزدەر كەلەسٸ اپتادا قازاقستاندا ٶتەدٸ. رەسەي اسادتى قولدايدى, ال تٷركييا بولسا اسادتى بيلٸكتەن قۇلاتۋعا تالپىنعان بٷلٸكشٸلەردٸ جاقتايدى.
