حالىقارالىق اۋىر اتلەتيكا فەدەراتسيياسى (IWF) دوپينگ ەرەجەسٸن بۇزعانى ٷشٸن رەسەي اۋىر اتلەتيكا قۇراماسىن ريو وليمپياداسىنان شەتتەتتٸ. بۇل تۋرالى IWF ٶزٸنٸڭ رەسمي سايتىندا حابارلاعان.
رەسەي اۋىر اتلەتيكا قۇراماسى باسىندا ريو وليمپياداسىنا ون جولداما العان. كەيٸن IWF حيۋستونداعى ەلەم چەمپيوناتى كەزٸندە ەكٸ رەسەيلٸك اۋىر اتلەتتٸڭ سىنامالارى وڭ نەتيجە بەرگەن سوڭ ەكٸ جولدامانى الىپ العان. رەسەي اۋىر اتلەتيكا قۇراماسى ريوعا سەگٸز سپورتشىمەن قاتىسۋى تيٸس ەدٸ.
سونداي-اق پەكين مەن لوندون وليمپياداسىنا قاتىسقان سپورتشىلاردىڭ اناليزدەرٸن قايتا تەكسەرگەندە جەتٸ رەسەيلٸك اۋىر اتلەتتٸڭ سىناماسى وڭ نەتيجە بەرگەن.
ماۋسىمدا حالىقارالىق جەڭٸل اتلەتيكا فەدەراتسيياسى دوپينگ ەرەجەسٸن ساقتاماعانى ٷشٸن رەسەي جەڭٸل اتلەتيكا قۇراماسىن تولىعىمەن ريو وليمپياداسىنا قاتىسۋ قۇقىعىنان ايىرعان.
