قاسىم-جومارت توقاەۆ الماتى وبلىسىنا ساپارى بارىسىندا ٸلە اۋدانىنداعى «لۋكويل لۋبريكانتس ورتالىق ازييا» جاۋاپكەرشٸلٸگٸ شەكتەۋلٸ سەرٸكتەستٸگٸنٸڭ جاعارماي شىعاراتىن زاۋىتىندا بولدى, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسىنا جۇمىس بارىسى مەن شىعارىلاتىن ٶنٸمدەر كٶرسەتٸلدٸ. سونىمەن قاتار, كەسٸپورىننىڭ قازٸرگٸ جۇمىسى مەن تەحنولوگييالىق تۇرعىدان جاڭعىرتۋ جوسپارى تۋرالى اقپارات بەرٸلدٸ.
زاۋىتتى ارالاپ كٶرگەن پرەزيدەنت كومپانييانىڭ جۇمىستارىنا وڭ باعا بەرٸپ, تابىستى دامي بەرۋلەرٸنە تٸلەكتەستٸك بٸلدٸردٸ.
جوبالىق قۋاتى جىلىنا 100 مىڭ توننا جاعارماي ٶندٸرەتٸن زاۋىت 225 ادامدى جۇمىسپەن قامتىپ وتىر. ينۆەستيتسييالىق جوبانىڭ قۇنى 94 ميلليون دوللار.
