فوتو: اقوردا
«قازمەديا ورتالىعىنىڭ» ستۋديياسىندا ەكزيت-پولل نەتيجەلەرٸ تانىستىرىلعاننان كەيٸن مەملەكەت باسشىسى مەلٸمدەمە جاسادى, دەپ حابارلايدى Ult.kz.
– بٷگٸن – قازاقستان ٷشٸن تاريحي كٷن! ەلٸمٸزدٸڭ ازاماتتارى كونستيتۋتسييالىق رەفورمانى قولداپ, رەفەرەندۋمعا بەلسەندٸ تٷردە قاتىستى. وتانىمىزدىڭ بولاشاعىن ويلاپ داۋىس بەردٸ. بۇل – ٶتە جاقسى وقيعا. قازٸر عانا ەكزيت-پوللدىڭ نەتيجەلەرٸ شىقتى. سوعان سەيكەس قازاق ەلٸ تٷبەگەيلٸ تاريحي تاڭداۋىن جاسادى. حالقىمىزعا شىنايى ريزاشىلىعىمدى ايتقىم كەلەدٸ. بٷگٸن جۇرتىمىز داۋىس بەرٸپ, قازاقستاننىڭ تاريحىن, تاعدىرىن ايقىندادى. بۇل شەشٸم دٷنيە جٷزٸ تاريحىندا مەڭگٸ ساقتالادى. بۇل مەسەلە بويىنشا ەشقانداي كٷمەنٸم جوق. ٶيتكەنٸ بۇل – ازاماتتارىمىزدىڭ بويىنداعى ناعىز وتانشىلدىق نىشانى. ەندٸ جىل سايىن 15 ناۋرىزدى – كونستيتۋتسييا كٷنٸ, ياعني, ەلٸمٸزدٸڭ ەڭ باستى مەرەكەسٸنٸڭ بٸرٸ رەتٸندە قارسى الامىز. سەبەبٸ قازاقستان حالقى جاڭارۋ مەن جاڭعىرۋ ٷشٸن داۋىس بەردٸ. بۇل – بٸزدٸڭ بەرٸمٸزگە ورتاق جەتٸستٸك. بارشاڭىزدى شىن جٷرەكتەن قۇتتىقتايمىن! – دەدٸ مەملەكەت باسشىسى.
قاسىم-جومارت توقاەۆ جالپىۇلتتىق رەفەرەندۋم اسا جوعارى دەڭگەيدە ٶتكەنٸن, اشىق ەرٸ ەدٸل بولعانىن ايتتى. پرەزيدەنتتٸڭ پٸكٸرٸنشە, بارلىق زاڭ تالاپتارى مەن دەموكراتييالىق نورمالار قاتاڭ ساقتالدى. مۇنى ەلٸمٸزدٸڭ جەنە شەتەلدٸڭ بايقاۋشىلارى دا ايتىپ وتىر.
– ازاماتتار جاساعان تاڭداۋدىڭ تٷپكٸلٸكتٸ قورىتىندىسىن زاڭعا سەيكەس ورتالىق رەفەرەندۋم كوميسسيياسى رەسمي تەرتٸپپەن شىعارادى. بٸراق قازٸردٸڭ ٶزٸندە قازاقستان حالقى ىنتىماق پەن بٸرلٸكتٸڭ, پاتريوتيزمنٸڭ, وتان تاعدىرىنا ورتاق جاۋاپكەرشٸلٸكتٸڭ كەرەمەت ٷلگٸسٸن كٶرسەتتٸ دەپ ايتا الامىز. ازاماتتارىمىزدىڭ باسىم بٶلٸگٸ ٶركەندەۋ, ەدٸلەت, زاڭ مەن تەرتٸپ, تابيعاتتى ايالاۋ جەنە تازالىق جولىن تاڭدادى. بۇل – ٶتە جاقسى جول. جاڭا حالىق كونستيتۋتسيياسى ەلٸمٸزدٸ تىڭ جەتٸستٸكتەر مەن تابىستارعا باستايدى. بۇعان ەشقانداي كٷمەن جوق. داۋىس بەرۋشٸلەر سانى بويىنشا ەڭ جوعارى رەكوردتىق كٶرسەتكٸش تٸركەلدٸ. مۇنداي جاعداي كٶپتەن بەرٸ بولماپ ەدٸ. ۋچاسكەگە كەلٸپ, ازاماتتىق ۇستانىمىن انىق بٸلدٸرگەن بارشاعا العىس ايتامىن. وسى ارقىلى كٷللٸ ەلەمگە قازاق قوعامىنىڭ ساياسي مەدەنيەتٸ جوعارى ەكەنٸن پاش ەتتٸك. «بٸرلٸك بار جەردە تٸرلٸك بار». بٸرلٸك بار جەردە ٶركەندەۋ بار. ەلدٸڭ قۋاتى – بٸرلٸكتە. بٸزگە تاتۋلىق پەن دوستىق, سابىرلىق پەن تاباندىلىق, جاسامپازدىق پەن ۇقىپتىلىق, ەڭبەكقورلىق پەن سەنٸمدٸلٸك اۋاداي قاجەت. سوندا عانا وزىق, دامىعان, بەسەكەگە قابٸلەتتٸ ەل بولامىز, – دەدٸ پرەزيدەنت.
مەملەكەت باسشىسىنىڭ ايتۋىنشا, قازاقستان حالقى قولداعان, جاپپاي داۋىس بەرگەن كونستيتۋتسييا – ەلٸمٸزدٸڭ تەمٸرقازىعى.
– جاڭا كونستيتۋتسييا – تەۋەلسٸزدٸك پەن ەگەمەندٸك تٸرەگٸ. اتا زاڭىمىز – ادام قۇقىعى مەن بوستاندىعىنىڭ مىزعىماس كەپٸلٸ. بٸز بٸر ەل بولىپ زاڭ مەن تەرتٸپ ساقتالاتىن, جاۋاپتى جەنە جاسامپاز ازاماتتارى بار ەدٸلەتتٸ قوعام قۇرۋ جولىندا ماڭىزدى قادام جاسادىق. وسىلايشا, بٷگٸن ۇلت تاريحىنىڭ جاڭا پاراعىن اشتىق. الدا اۋقىمدى جۇمىستار كٷتٸپ تۇر. ەڭ باستىسى, حالقىمىز تٷبەگەيلٸ ٶزگەرٸستەردٸ بارىنشا قولدايدى. بٸز ورتاق مٷددە جولىندا كٷش بٸرٸكتٸرٸپ, كەلەر ۇرپاققا ٶركەنيەتتٸ, وزىق قازاقستاندى امانات ەتەمٸز. مەن بۇعان كەمٸل سەنەمٸن. وسى رەفەرەندۋم كەزٸندە جاستار بەلسەندٸ تٷردە سايلاۋعا قاتىستى. جاستارىمىزعا مىڭ دا بٸر راقمەت! جاستارىمىزدىڭ داۋىسى, ٷنٸ ٶتە جاقسى ەستٸلدٸ. ەرقاشان امان بولىڭىزدار! قازاق ەلٸنٸڭ قاسيەتتٸ تەۋەلسٸزدٸگٸ مەڭگٸ بولسىن! وتانىمىز – قازاقستان رەسپۋبليكاسى جاساي بەرسٸن! جاڭا كونستيتۋتسييامىز قۇتتى بولسىن! – دەدٸ قاسىم-جومارت توقاەۆ.
