1987 جىلدىڭ شٸلدە ايىندا پولشاداعى «ىنتىماقتاستىق» (سوليدارنوست) استىرتىن ۇيىمى حالىق قاھارمانى, جەلتوقسان وقيعاسىنىڭ باتىرى قايرات رىسقۇلبەكوۆتٸڭ قۇرمەتٸنە پوشتا ماركاسىن شىعارعان. بۇل تۋرالى ەلوردادا ٶتكەن جەلتوقسان وقيعاسىنىڭ تاريحي جەنە حالىقارالىق ماڭىزىنا ارنالعان حالىقارالىق عىلىمي-پراكتيكالىق كونفەرەنتسييادا پولياك عالىمى, ازييانى زەرتتەۋ ينستيتۋتىنىڭ پرەزيدەنتٸ, PhD دوكتورى ۆلادىسلاۆ سوكولوۆسكيي ايتتى.
ماركادا شالقاسىنان قۇلاپ جاتقان ەر ادامنىڭ بەينەسٸنٸڭ ٷستٸندە «ق.رىسقۇلبەكوۆكە راقىمشىلىق جاسالسىن. الما-اتا 18.06.1987» دەپ جازىلعان. گورباچەۆتٸڭ سۋرەتٸنٸڭ استىندا «اشىقتىق قايدا!?» دەگەن سۇراق تۇر.
— ماركانىڭ استىڭعى جاعىنداعى جازۋ پولياك تٸلٸنەن اۋدارعاندا «ماركانى ساتۋدان تٷسكەن تابىس «ەركٸندٸك پەن بەيبٸتشٸلٸك» قوزعالىسىنا بەرٸلەدٸ» دەگەن جازۋ,— دەدٸ ۆلادىسلاۆ سوكولوۆسكيي.
ۆارشاۆادان كەلگەن عالىم جەلتوقسان وقيعاسى تۋرالى 1986-87 جىلدارى پولشادا ەلۋدەن استام مەرزٸمدٸ باسىلىمدا جارييالانعان ماتەريالدارعا شولۋ جاسادى.
جەلتوقسان وقيعاسىنىڭ قاھارمانى قايرات نوعايبايۇلى رىسقۇلبەكوۆ 1986 جىلى 16-18 جەلتوقساندا الماتىداعى وقيعاعا بەلسەنە قاتىسقان جاستاردىڭ بٸرٸ ەكەنٸ بەلگٸلٸ. ق.رىسقۇلبەكوۆ 1987 جىلعى 16 ماۋسىمدا قازاق كسر جوعارعى سوتىنىڭ قىلمىستىق ٸستەر جٶنٸندەگٸ كوللەگيياسى ٷكٸمٸمەن ەڭ جوعارعى جازا — ٶلٸم جازاسىنا كەسٸلٸپ, كەيٸن اتۋ جازاسى 20 جىلعا باس بوستاندىعىنان ايىرۋ جازاسىمەن اۋىستىرىلعان بولاتىن. الايدا, ق.رىسقۇلبەكوۆ تٷرمەدە قۇپييا جاعدايدا قازا بولدى. قازاقستان ەگەمەندٸك العاننان كەيٸن عانا قايرات رىسقۇلبەكوۆ قازاقستان جوعارعى سوتى پلەنۋمىنىڭ 1992 جىلى 21 اقپانداعى شەشٸمٸمەن تولىقتاي اقتالدى. 1996 جىلعى 9 جەلتوقساندا قر پرەزيدەنتٸ ن.نازارباەۆتىڭ جارلىعىمەن ق.ن. رىسقۇلبەكوۆ قايتىس بولعاننان كەيٸن حالىق قاھارمانى اتاعىمەن, «وتان» وردەنٸمەن ماراپاتتالعان.
وسى ورايدا, پولشانىڭ «ىنتىماقتاستىق» ۇيىمى تۋرالى دا از-كەم ايتا كەتەيٸك. جۇمىسى توتاليتارلىق رەجيمگە, كوممۋنيستٸك جٷيەگە قارسى باعىتتالعان «ىنتىماقتاستىق» پولشا كەسٸپوداقتارى بٸرلەستٸگٸنٸڭ قىزمەتٸ 1989 جىلدىڭ سەۋٸرٸندە عانا زاڭداستىرىلعان. قازٸرگٸ تاڭدا ول پولشا رەسپۋبليكاسىنىڭ كەسٸپوداعى دەگەن اتپەن جۇمىسىن جالعاستىرۋدا. ۇيىمنىڭ نەگٸزٸن قالاعان لەح ۆالەنسا 1983 جىلى «ادام قۇقى ٷشٸن كٷرەسكەر» رەتٸندە بەيبٸتشٸلٸك جٶنٸندەگٸ نوبەل سىيلىعىمەن ماراپاتتالعانىن اتاپ ٶتۋ كەرەك.
ارنۇر اسقاروۆ, «ەگەمەن قازاقستان»
