ۇلىبريتانييادا ستۋدەنتتٸڭ ٶلٸمٸ قوعامدا ٷلكەن داۋ تۋدىردى, دەپ حابارلايدى ult.kz.
ۇلىبريتانييانىڭ ساۋتگەمپتون قالاسىندا 18 جاستاعى ۋنيۆەرسيتەت ستۋدەنتٸ گەنري نوۆاك پىشاقتالىپ قازا تاپتى. وقيعا 2025 جىلدىڭ 3 جەلتوقسانىندا بولعان. ول تٷنگٸ ۋاقىتتا كٶشەدە جٷرگەن كەزدە 23 جاستاعى ەر اداممەن جانجالعا تاپ بولىپ, بٸرنەشە رەت پىشاقتالعان.
وقيعا ورنىندا كٷدٸكتٸ پوليتسيياعا جالعان اقپارات بەرٸپ, ٶزٸن جەبٸرلەنۋشٸ رەتٸندە كٶرسەتكەن. سونىڭ سالدارىنان پوليتسييا اۋىر جارالانعان ستۋدەنتكە باستاپقىدا دۇرىس نازار اۋدارماي, ونى كٸسەندەگەن. كەيٸن گەنري نوۆاك بٸرنەشە رەت “مەنٸ پىشاقتادى” دەپ ايتقانىنا قاراماستان, ونىڭ جاعدايى تولىق باعالانباعانى بەلگٸلٸ بولدى.
كۋەگەرلەر مەن بەينەجازبالاردا ستۋدەنتتٸڭ اۋىر جارالانعان كٷيدە “مەن تىنىس الا الماي جاتىرمىن” دەگەن سٶزٸ ەستٸلگەن. ول وقيعا ورنىندا كٶپ ۇزاماي قايتىس بولعان.
كەيٸن سوت كٷدٸكتٸنٸ كٸنەلٸ دەپ تانىپ, وعان ٶمٸر بويىنا باس بوستاندىعىنان ايىرۋ جازاسىن تاعايىندادى. ٸس ۇلىبريتانييادا ٷلكەن قوعامدىق رەزونانس تۋدىرىپ, پوليتسييانىڭ ەرەكەتٸ مەن تەرگەۋ ساپاسىنا قاتىستى سۇراقتار كٶتەرٸلدٸ.
